दमक । दमकमा कोरोनाको दोस्रो भेरियन्टयता कोरोना संक्रमित संख्या १ हजार ५४६ पुगेको छ । जेठ मसान्तसम्मको दोस्रो भेरियन्टयता कोरोना संक्रमितको संख्या यति पुगेको नगरपालिकाले जनाएको छ ।

यस्तैगरी १ हजार १४८ जना कोरोना संक्रमण मुक्त भई निको भएको नगरपालिकाले जनाएको छ । दमकनगरमा हालसम्म कोरोना महामारीबाट मृत्यु हुनेको संख्या २३ पुगेको नगरपालिकाको स्वास्थ्य शाखाले जनाएको छ ।

दमकमा कोरोना संक्रमित पुरुष संख्या ७९५ जना र महिलाको संख्या ७५१ जना रहेको छ । दमकमा हाल सक्रिय संक्रमितको संख्या ३७५ रहेको छ । दमकका ४ वटा कोभिड अस्पतालमा ५९ जना सक्रिय संक्रमितहरुको उपचार भइरहेको स्वास्थ्य शाखाले जनाएको छ ।

गोर्खा वेल्फेयर ट्रष्ट नेपाल दमक शाखाले १ लाख ८० हजार बराबरको १५० थान पिपिइ र १० वटा पल्सअक्सिमिटर दमक नगरपालिकालाई हस्तान्तरण गरेको छ । त्यसैगरी शान्तिभजन कृतन दमक र नेपाल बाल संगठन झापाले ३०/३० हजार रकम नगरपालिकालाई सहयोग दिएका छन् ।