वाइसिएल १ नम्बर प्रदेशले घाइते र शहिद परिवारलाई दियो राहत

,   लिम्बुवान न्युज
                       

दमक/नेकपा माओवादी केन्द्रको युवा संगठन वाइसिएल नेपालको एक नम्बर प्रदेश कमिटिले राहत वितरण गरेको छ । प्रदेश कमिटीको नेतृत्वमा झापा, मोरङ र इलामको चुलाचुली १ कमलमा बसोबास गर्ने पूर्व जनमुक्ति सेना नेपालको परिवारलाई खाद्यान्न (चामल र चिउरा) राहत प्रदान गरेको हो ।

संगठनका प्रदेश कमिटी संयोजक कर्म पूलामीको नेतृत्वमा पार्टी तथा संगठनका नेता कार्यकर्ता तथा शुभेच्छुक व्यवसायीहरुबाट संकलन गरिएको कूल १५० बोरा चामल र ६ बोरा चिउरा बुधबार वितरण गरिएको जनाएको छ । संगठनले झापाको कमल (साविक तोपगाछी) मा बसोबास गर्दै आएका पूर्व जनमुक्ति सेना नेपालका घाईते, अपाङ तथा सहिद परिवारका लागि पूर्व जनमुक्ती सेना नेपालको संगठन मार्फत ४० बोरा चामल वितरण गरेको थियो ।

सो खाद्यान्न राहत कमल ३ गुरुङ टोलमा पूर्व जनमुक्ति सेना नेपालको संगठनका सचिव सागर शेर्पालाई हस्तान्तरण गर्दै वाइसिएलका प्रदेश संयोजक पुलामीले कोरोना महामारी र जारी निषेधाज्ञाका कारण समस्यामा परेका सहयोद्धाको परिवारलाई थोरै भएपनि राहत पुगोस भन्ने उद्धेश्यले पार्टी र संगठनको केन्द्रिय नीति अनुसार सो राहत प्रदान गरिएको बताए ।

सो टोलीले माओवादी जनयुद्धका घाईते पूर्व जनमुक्ति सेना सिक्सम लिम्बुको निवासमा पुगेर उनको स्वास्थ्य अवस्थाबारे जानकारी लिँदै खाद्यान्न राहत प्रदान गरेको थियो । ४७ बर्षिय लिम्बु तत्कालिन राजा ज्ञानेन्द्र साहले गराएको निर्वाचनको अघिल्लो दिन धनकुटामा सुरक्षाकर्मीसंगको भिडन्तमा घाईते भएका थिए । उनको शरिर चल्न नसक्ने अवस्थामा छ । उनी पछिल्लो समय मलद्धारको छेउमा भएको घाउबाट पिप बगिरहने समस्यामा छन ।

वाइसिएलले आजनै उर्लाबारी र मधुमल्लामा समेत पुगेर पूर्व जनसेना तथा तिनको परिवारलाई खाद्यान्न राहत वितरण गरेको जनाइएको छ । राहत वितरणमा संगठनका केन्द्रिय निर्वाचन आयोग सदस्य दिपक आले, मोरङ जिल्ला उपाध्यक्ष राजिव लिम्बु र उर्लाबारी नगर सहसचिव अनिल साह समेत सहभागी थिए ।

संगठन मार्फत प्रदान गरिएको ३३ बोरा चामल वाइसिएल उर्लाबारीका अनिल साह र सविन घिमिरे मार्फत मोरङ जिल्ला उपाध्यक्षद्धय सुसन लिम्बु र कमल हाङगाम, मधुमल्लाका व्यवसायी सुसन खडका, शिवसताक्षी २ का प्रकाश बस्नेत, भुपेन्द्र साह, दिलिप बुढाथोकी, राजु दर्नाल र विर्तामोड नगर अध्यक्ष माधव झा मार्फत प्राप्त भएको वाइसिएल १ नम्बर प्रदेश कमिटीले जनाएको छ ।

दमकका सुकुम्बासीलाई वाइसिएलको सहयोग


यसैबीच दमक ७ मा स्थानीय सरकारद्वारा घर टहरा भत्काइएपछि समस्यामा परेका ७ घर परिवारलाई वाइसिएलले चामल प्रदान गरेको छ । संगठनको १ नम्बर प्रदेश कमिटीले पार्टीका जिल्ला कमिटी सचिवालय सदस्य दुर्गा चौंलागाइँ (श्रीकान्त) को उपस्थितिमा प्रति परिवार एक÷एक बोरा चामल राहत स्वरुप प्रदान गरेको हो । वाइसिएलका प्रदेश संयोजक पूलामीले सो सहायता सामग्री पीडित परिवारलाई घर भत्काइएको स्थलमै पुगेर हस्तान्तरण गरेका थिए ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;