काठमाडौं । पछिल्लो २४ घण्टा ३४ जनाको कोरोना संक्रमणबाट मृत्यु भएको पुष्टि भएको छ । त्यसैगरी थप २ हजार ४०१ जनामा कोरोना संक्रमण पुष्टि भएको छ । त्यस्तै पछिल्लो २४ घण्टामा ३ हजार ६६० जना निको भएका छन् ।

७ हजार १० नमुनाको पीसीआर परीक्षण गर्दा १ हजार ६८८ र ४ हजार ६८६ जनाको एन्टिजेन परीक्षण गर्दा ७१३ जना गरी २ हजार ४०१ जनामा कोरोना भाइरस संक्रमण देखिएको स्वास्थ्य तथा जनसंख्या मन्त्रालयले जनाएको छ ।

नेपालमा हालसम्म कोरोना संक्रमितको कुल संख्या ६ लाख ४५ हजार २०९ पुगेको छ भने ५ लाख ५३ हजार ३५२ जना संक्रमणमुक्त भएका छन् । पहिलो र दोस्रो भेरियन्ट गरी हालसम्म ८ हजार ६७५ जनाको मृत्यु भएको छ ।

हाल दोस्रो भेरिन्ट कोरोना संक्रमणबाट देशभर सक्रिय संक्रमितको संख्या ५७ हजार ६१८ रहेको छ । जसमध्ये ५३ हजार ७३३ जना होम आइसोलेसनमा रहेका छन् भने ३ हजार ८८५ जना संस्थागत आइसोलेसनमा बसेका छन् । मन्त्रालयका अनुसार हाल ८७४ जनाको आईसीयू र २५८ जनाको भेन्टिलेटरमा उपचार भइरहेको जनाएको छ ।

नयाँ संक्रमितमध्ये धेरै ३३७ जना काठमाडौं उपत्यकाका हुन् । यस्तै शनिबार तीनवटा जिल्लाहरु बागलुङमा २२५ जना, मोरङमा १३०, सुनसरीमा ११० र झापामा १०४ जनामा संक्रमण थपिएका छन् ।