द एभरेष्ट बचत तथा ऋण सहकारी संस्थाको कारोबार आफ्नै भवनबाट

 लिम्बुवान न्युज
                       

दमक/दमकमा १० बर्ष अघि युवा व्यवसायीहरुद्धारा स्थापना भई सञ्चालनमा ल्याइएको द एभरेष्ट बचत तथा ऋण सहकारी संस्थाले आज (बुधबार) देखि आफनै स्वामित्वको भवनबाट कारोबार शुरु गरेको छ । यस अघि थाना रोडमा भाडाको घरमा सञ्चालन हुँदै आएको सो संस्था आफैंले खरिद गरेको दमक ५ स्थित बेलडाँगी रोडमा रहेको पाँच तले भवनमा सरेको हो ।

नयाँ भवनको दमक उद्योग वाणिज्य संघका अध्यक्ष गोकुल श्रेष्ठ र संस्थाका अध्यक्ष दिपक खरेलले संयुक्त रुपमा उदघाटन गरेका छन् । पाँच तले सो भवनमा संस्थाको नियमित कारोबारका अतिरिक्त एभरेष्ट कम्प्लेक्स समेत सञ्चालन हुने संस्थाका सचिव ज्ञाननाथ पौडेलले जानकारी दिए । कोरोना संक्रमणका कारण मुलुकको वित्तिय क्षेत्र सुस्त रहेको अवस्थामा सो सहकारीले आफनै भवनबाट कारोबार शुरु गर्नु सुखद भएको प्रमुख अतिथी समेत रहेका दमक उद्योग वाणिज्य संघका अध्यक्ष श्रेष्ठले बताए ।

संस्थाका अध्यक्ष खरेलले संस्थाको आफनै स्वामित्वको भवन दुई बर्ष अघिदेखि नै सञ्चालनमा ल्याउने तयारी रहेको भएपनि विभिन्न प्राविधिक र कोरोना संक्रमणका कारण निर्माण कार्य पूरा हुन नसक्दा ढिलो गरी भवन सञ्चालनमा ल्याइएको बताए ।

नयाँ भवन उद्घाटन आयोजित संक्षिप्त कार्यक्रममा संस्थाका उपाध्यक्ष रोशन गौतम, कोषाध्यक्ष यामजी श्रेष्ठ ,लेखा संयोजक राजकुमार न्यौपाने, पूर्व अध्यक्ष कृष्णप्रसाद तिम्सीना , सञ्चालक समिति, कर्मचारीहरु लगायतको उपस्थिति रहेको थियो ।

झापा जिल्ला भरि कार्य क्षेत्र रहेको सो सहकारीको मुख्य कार्यालयसहित केर्खा,सुरुङा,बिर्तामोड र बुधबारेमा सेवा केन्द्र सञ्चालनमा रहेको छ । संस्थाको शेयर पूंजी हाल ६ करोड ७६ लाख २१ हजार, निक्षेप ५७ करोड २२ लाख ५० हजार ९९५ र ऋण लगानी ६० करोड २ लाख ४८ हजार २३० रहेको व्यवस्थापक नवराज बाँस्तोलाले जानकारी दिए । त्यस्तै सहकारीको जिल्ला सहकारी संघ,राष्ट्रिय सहकारी बैक,बचत तथा ऋण सहकारी संघ र नेफस्कुनमा गरि कुल २० लाख ३६ हजार लगानी समेत उनले बताए । (तस्वीर विष्णु पाैडेल)

सम्बन्धित समाचार

अध्यक्ष ठाकुरलाई भीष्मपितामहको संज्ञा

निलम्बित सांसद रेशम चाैधरी काठमाडौं, ११ साउन । निलम्बित प्रतिनिधिसभा सदस्य तथा जसपाका कार्यकारिणी सदस्य रेशम चौधरीले पार्टी अध्यक्ष महन्थ ठाकुरलाई भीष्मपितामहको संज्ञा दिएका छन् । आफू हार्ने निश्चित हुँदाहुँदैपनि ठाकुरले केपी ओलीलाई सघाएको स्मरण...

उपेन्द्र पक्षले पायो जसपाको आधिकारिकता

काठमाडौ। निर्वाचन आयोगले जनता समाजवादी पार्टी (जसपा), नेपालको उपेन्द्र यादव पक्षलाई आधिकारिकता दिएको छ । यादव पक्षमा केन्द्रीय कार्यकारिणी समितिका बहुमत सदस्य भएकाले आयोगले उनैलाई आधिकारिकता दिएको हो । आज भएको हेड काउण्टमा उपेन्द्र नेतृत्वको...

कमल २ मा लिम्बुवान मञ्च गठन

केर्खाबजार, ११ साउन। संघीय लिम्बुवान मञ्च, नेपाल कमल गाउँपालिकाको २ नम्बर वडा कमिटी गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङको प्रमुख आतिथ्यतामा रमेश खड्काको अध्यक्षतामा वडाकमिटी गठन भएको हो । सोमबार तोपगाछी समयगढमा...

पाँचथरका दुई परिवारलाई समाजद्वारा सहयोग प्रदान

  रकम हस्तान्तरण गर्दै संयाेजक लावाहाङ चेम्जाेङ् फाल्गुनन्द। पाँचथरको फाल्गुनन्द गाउँपालिकाका दुई परिवारलार्य फाल्गुनन्द एकता समाज मलेसियाले सहयोग रकम हस्तान्तरण गरेको छ । शुक्रबार रुखले किचेर करङ भाँचिएकी फाल्गुनन्द २ का देउमान नेम्बाङकी श्रीमती मञ्जु...