काठमाडौं, ११ असार । नेकपा माओवादी केन्द्रबाट निर्वाचित भई नेकपा एमालेमा प्रवेश गरेका १४ जना स्थानीय तहका जनप्रतिनिधिहरुको पद रिक्त भएको छ । निर्वाचन आयोगले शुक्रबार सूचना जारी गर्दै माओवादीका १४ जनप्रतिनिधिको पद रिक्त भएको जानकारी दिएको हो ।

पद रिक्त भएकाहरुमा रौतहट जिल्लाका ७ जनप्रतिनिधि छन् । त्यसैगरी कैलालीका ४ जना छन् भने सिरहा, ओखलढुंगा र महोत्तरीका एक–एक जना जनप्रतिनिधि रहेका छन् ।

७ असारमा बसेको माओवादी केन्द्रको केन्द्रीय समितिको बैठकले उनीहरुलाई पार्टीबाट निष्कासन गरेको औपचारिक निर्णय गरी त्यसको जानकारी निर्वाचन आयोगलाई गराएको थियो ।

नेकपा माओवादीले दल त्याग गरेकाहरुलाई कारवाही गर्ने निर्णयको अधिकार अध्यक्ष प्रचण्डलाई दिएको थियो । सोही निर्णयलाई मान्दै दल त्याग गरेका जनप्रतिनिधिहरुलाई कारवाही गरेको निर्णय माओवालीले निर्वाचन आयोगमा पठाएको हो । आयोगले यस अघि केन्द्रीय समितिको बैठकबाट कारवाहीको निर्णय भएको भन्दै दल त्यागको सूचना जारी गरेको थिएन ।

त्यसपछि केन्द्रीय समितिको बैठकले उनीहरुलाई पार्टीबाट निष्कासित गरिएको निर्णयलाई औपचारिकता दिएको थियो । सोही दिन माओवादी केन्द्रले निर्वाचन आयोगलाई पद रिक्त भएको सूचना जारी गर्न ताकेता गरेका थिए ।

पद गुमाएका जनप्रतिनिधिहरुः