माङसेबुङ गाउँपालिकाको नवौं साधारणसभाबाट बजेट सार्वजनिक, कुन क्षेत्रमा कति ?

 लिम्बुवान न्युज
                       

माङसेबुङ। इलामको माङसेबुङ गाउँपालिकाले आर्थिक वर्ष २०७८/७९ का लागि अनुमानित आय व्ययसहितको कुल ४० करोड ५१ लाख ७७ हजार ६ सय ८० रुपैयाँ बराबरको बजेट सार्वजनिक गरेको छ ।

बिहीबार नवौँ गाउँसभामा उपाध्यक्ष सुनिता सुब्बाले वार्षिक नीति तथा कार्यक्रम तथा बजेट प्रस्तुत गरेकि थिइन् । उक्त बजेट सर्वसम्मत रुपमा पारित भएको गाउँपालिका अध्यक्ष डिकेन्द्र इदिङ्गोले जानकारी दिएका छन् ।

आयतर्फ संघीय समानीकरण अनुदान ९ करोड २५ लाख, संघीय राजस्व बाँडफाँटबाट ६ करोड ७७ लाख ६७ हजार, संघीय सशर्त अनुदान १९ करोड, संघीय समपूरक अनुदान ४२ लाख, प्रदेश समानीकरण अनुदान ५२ लाख ८० हजार, प्रदेश सवारी कर बाँडफाँडबाट ४६ लाख ६० हजार ६ सय ८०, प्रदेश समपुरक अनुदान १ करोड, प्रदेश सशर्त अनुदान ५८ लाख ४२ हजार, आन्तरिक आय ५० लाख रुपैयाँ रहने गाउँपालिकाले प्रक्षेपण गरेको छ । त्यस्तै बैंक मौज्दात २ करोड रुपैयाँ रहने अनुमान गरेको छ ।

व्ययतर्फ गाउँपालिकाले पूर्वाधार विकासलाई पहिलो प्राथमिकतामा राखेर बजेट निर्माण गरेको छ । गाउँपालिकाले पूर्वाधार विकासमा ४ करोड ८६ लाख ६० हजार रुपैयाँ विनियोजन गरेको छ ।

दोश्रोमा सामाजिक विकासमा २ करोड ५९ लाख ६० हजार ६ सय ८० रुपैयाँ विनियोजन गरेको छ । त्यस्तै आर्थिक विकास क्षेत्रमा १ करोड ७७ लाख ७० हजार र सुशासन तथा अन्तरसम्बन्धित क्षेत्रमा १ करोड ३१ लाख १५ हजार रुपैयाँ विनियोजन गरेको छ ।

त्यस्तै कार्यालय संचालन तथा प्रशासनिक क्षेत्रमा ६ करोड ५१ लाख ३० हजार रुपैयाँ विनियोजन गरेको छ ।

समपूरक कोषमा २ करोड रुपैयाँ र मर्मत सम्भार कोषमा ३५ लाख रुपैयाँ विनियोजन गरेको छ ।

तोकिएको कार्यक्रम संचालन गर्न सशर्त अनुदान शीर्षकमानेपाल सरकारबाट १९ करोड र प्रदेश सरकारबाट ५८ लाख ४२ हजार रुपैयाँ प्राप्त हुनेछ ।

समपूरक अनुदानतर्फ नेपाल सरकारबाट देउमाई फाकफोक दोभान नावालुङ देउराली हुलाक सडक स्तरोन्नति (क्रमागत आयोजना) का लागि ४२ लाख र प्रदेश सरकारबाट १ करोड प्राप्त हुनेछ ।

गाउँपालिकाले गाउँपालिका भित्रका सबै वडाहरूको समानुपातिक विकासका लागि प्रति वडा ६० लाखका दरले ३ करोड ६० लाख बजेट छुट्टाइएको थियो ।

सम्बन्धित समाचार

अध्यक्ष ठाकुरलाई भीष्मपितामहको संज्ञा

निलम्बित सांसद रेशम चाैधरी काठमाडौं, ११ साउन । निलम्बित प्रतिनिधिसभा सदस्य तथा जसपाका कार्यकारिणी सदस्य रेशम चौधरीले पार्टी अध्यक्ष महन्थ ठाकुरलाई भीष्मपितामहको संज्ञा दिएका छन् । आफू हार्ने निश्चित हुँदाहुँदैपनि ठाकुरले केपी ओलीलाई सघाएको स्मरण...

उपेन्द्र पक्षले पायो जसपाको आधिकारिकता

काठमाडौ। निर्वाचन आयोगले जनता समाजवादी पार्टी (जसपा), नेपालको उपेन्द्र यादव पक्षलाई आधिकारिकता दिएको छ । यादव पक्षमा केन्द्रीय कार्यकारिणी समितिका बहुमत सदस्य भएकाले आयोगले उनैलाई आधिकारिकता दिएको हो । आज भएको हेड काउण्टमा उपेन्द्र नेतृत्वको...

कमल २ मा लिम्बुवान मञ्च गठन

केर्खाबजार, ११ साउन। संघीय लिम्बुवान मञ्च, नेपाल कमल गाउँपालिकाको २ नम्बर वडा कमिटी गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङको प्रमुख आतिथ्यतामा रमेश खड्काको अध्यक्षतामा वडाकमिटी गठन भएको हो । सोमबार तोपगाछी समयगढमा...

पाँचथरका दुई परिवारलाई समाजद्वारा सहयोग प्रदान

  रकम हस्तान्तरण गर्दै संयाेजक लावाहाङ चेम्जाेङ् फाल्गुनन्द। पाँचथरको फाल्गुनन्द गाउँपालिकाका दुई परिवारलार्य फाल्गुनन्द एकता समाज मलेसियाले सहयोग रकम हस्तान्तरण गरेको छ । शुक्रबार रुखले किचेर करङ भाँचिएकी फाल्गुनन्द २ का देउमान नेम्बाङकी श्रीमती मञ्जु...