अन्तर्राष्ट्रिय अनलाईन याक्थुङ् कथा प्रतियोगिता हुने

 लिम्बुवान न्युज
                       

फेदेन, १२असार।  लिम्बु भाषा इतिहासलाई संस्थागत गर्ने उद्देश्यले अन्तर्राष्ट्रिय अनलाईन याक्थुङ् कथा प्रतियोगिता २०७८ हुने भएको छ । याक्थुङ् मुन्चइत चोक सयङ्ले कथा संकलन, उत्कृष्ट लिम्बु चलचित्र निर्माण गर्न ‘याक्थुङ स्टोरी बैंक’ स्थापना गर्न प्रतियोगिता गर्न लागेको हो ।

संसारभरी छरिएर रहेका भाषा साहित्यमा कलम चलाउनु हुने स्रष्टा, लिम्बु भाषाका कथाकारहरुलाई प्रोत्साहन गर्ने उद्देश्यले यो कार्यक्रम गर्न लागेको सयङ्ले जनाएको छ ।

याक्थुङ मुन्चइत चोक सयङ्ले आयोजना गर्ने उक्त प्रतियोगितालाई आदीवासी जनजाति मातृभाषी प्रवद्र्धन समिति, चलचित्र विकास वोर्डको सहयोगमा हुने सयङ्का अध्यक्ष सुर्यप्रकाश चेम्जोङ्ले बताएका छन् ।

उत्कृष्ट लिम्बू कथाहरुलाई चलचित्र निर्माण गर्नको लागि थप मद्दत पुग्ने उद्देश्यका साथ ‘याक्थुङ स्टोरी बैंक’ स्थापना गरेर लिम्बू भाषाका कथा सर्जकहरुलाई थप हौसला प्रदान गर्न यो प्रतियोगिता कोसेढुङ्गा बन्ने महासचिव वनेम विक्रम फागोले बताएका छन् । उनले भने– भाषा बचाउनलाई यस्ता प्रतियोगिताहरु गर्नु नितान्त आवश्यक छ । आउने पिढीहरुलाई समेत भाषा शिक्षण प्रति थप उर्जा मिल्लनेछ ।

कथा लिम्बू, अङ्ग्रेजी वा देवनगरिमा लेखिएता पनि लिम्बू बिषयसँग अनिवार्य जोडिएको हुनेपर्ने सविच दिनेश माङ्मुले बताए । छनौट भएका कथाहरुबाट सयङ्ले लघु या लामो चलचित्र निर्माण गरेर विक्रीवितरण गरेमा कथाकारको नाम राखिने बताइएको छ । यद्यपी सयङ्ले चलचित्र निर्माण गरेर वा दोस्रो कम्पनी अथवा व्यक्तिलाई विक्रीवितरण गरेमा कथाकारले दावी विरोध या उजुर गर्न पाउने छैन भनिएको छ ।

प्रतियोगी मध्येबाट उत्कृष्ट मुन्धुमी कथा पुरस्कार, उत्कृष्ट थिम् कथा पुरस्कार, उत्कृष्ट मिम् कथा पुरस्कार, उत्कृष्ट पर्यावरणीय कथा पुरस्कार र उत्कृष्ट डायस्पोरा कथा पुरस्कार प्रदान गरिने छ । तर, पुरस्कार रकम भने खुलाईएको छैन ।

प्रतियोगितामा सहभागी कथा ४ सय देखि ५ सय शब्दको हुने पर्ने छ भने छनौट भएका कथाहरुको नतिजा यहि असार २७ गते जुम भर्चुअल कार्यक्रमबाट सार्वजनिक गरिने आयोजकले जनाएको छ ।

सम्बन्धित समाचार

अध्यक्ष ठाकुरलाई भीष्मपितामहको संज्ञा

निलम्बित सांसद रेशम चाैधरी काठमाडौं, ११ साउन । निलम्बित प्रतिनिधिसभा सदस्य तथा जसपाका कार्यकारिणी सदस्य रेशम चौधरीले पार्टी अध्यक्ष महन्थ ठाकुरलाई भीष्मपितामहको संज्ञा दिएका छन् । आफू हार्ने निश्चित हुँदाहुँदैपनि ठाकुरले केपी ओलीलाई सघाएको स्मरण...

उपेन्द्र पक्षले पायो जसपाको आधिकारिकता

काठमाडौ। निर्वाचन आयोगले जनता समाजवादी पार्टी (जसपा), नेपालको उपेन्द्र यादव पक्षलाई आधिकारिकता दिएको छ । यादव पक्षमा केन्द्रीय कार्यकारिणी समितिका बहुमत सदस्य भएकाले आयोगले उनैलाई आधिकारिकता दिएको हो । आज भएको हेड काउण्टमा उपेन्द्र नेतृत्वको...

कमल २ मा लिम्बुवान मञ्च गठन

केर्खाबजार, ११ साउन। संघीय लिम्बुवान मञ्च, नेपाल कमल गाउँपालिकाको २ नम्बर वडा कमिटी गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङको प्रमुख आतिथ्यतामा रमेश खड्काको अध्यक्षतामा वडाकमिटी गठन भएको हो । सोमबार तोपगाछी समयगढमा...

पाँचथरका दुई परिवारलाई समाजद्वारा सहयोग प्रदान

  रकम हस्तान्तरण गर्दै संयाेजक लावाहाङ चेम्जाेङ् फाल्गुनन्द। पाँचथरको फाल्गुनन्द गाउँपालिकाका दुई परिवारलार्य फाल्गुनन्द एकता समाज मलेसियाले सहयोग रकम हस्तान्तरण गरेको छ । शुक्रबार रुखले किचेर करङ भाँचिएकी फाल्गुनन्द २ का देउमान नेम्बाङकी श्रीमती मञ्जु...