जनसराेकारकाे माग गर्दै दमक नगरमा कांग्रेसकाे ध्यानाकर्षण

 लिम्बुवान न्युज
                       

दमक/ नेपाली कांग्रेसले जनसरोकारका विभिन्न मागहरु समेटेर दमक नगरपालिकालाई दुई बुँदे ध्यानाकर्षण पत्र बुझाएको छ । दमक कांग्रेसको अगुवाईमा नगर ,क्षेत्र र प्रदेश कार्यसमितिसहितको पदाधिकारी तथा सदस्यहरु सम्मलित टोलीले नगरपालिका पुगेर स्थानीय सरकारलाई ज्ञापन पत्र बुझाइएको कांग्रेस दमकका कार्यवहाक सभापति युवराज खनालले जानकारी दिए ।
नगरपालिकामा बुझाइएको ध्यानाकर्षणमा केहिदिन अघि मात्र नगरपालिकाले सवारी साधनहरुको बार्षिक पूर्वाधार सेवा उपयोग कर बुझाउन भनी सूचना निकालेको विषय प्रति आपत्ति जनाएको उल्लेख छ । कुनै पनि बहानामा सवारी साधनमा लगाईने अतिरिक्त कर त्तत्काल खारेज गर्न भनी ध्यानाकर्षण गरिएको पार्टीद्धारा जारी विज्ञप्तिमा जनाईएको छ ।
यसैगरि , नगरपालिकाले हालै मात्र निकालेको सूचना अनुसार शिक्षा तथा मानव स्रोत विकास केन्द्र सानोठिमी भक्तपुरको २०७९ जेठ ३ गतेको पत्र र जिल्ला शिक्षा तथा समन्वय इकाइ झापाको गत जेठ १९ गतेको पत्रमा दमक भित्रका विद्यालयमा विद्यालय व्यवस्थापन समिति गर्नुभनी प्रेसित पत्रहरुका सम्बन्धमा कांग्रेसको गंभीर ध्यानाकर्षण भएको उल्लेख छ ।

दमक नगरपालिकाले प्रकाशित गरेको भनिएको दमक नगर आधारभूत तथा माध्यमिक शिक्षा ऐन २०७६ सम्बन्धमा कांग्रेस असहमति व्यक्त गरिआएको व्यहोरा अवगत गराउदै हालको अवस्थामा विद्यमान रहेको संघीय शिक्षा ऐन २०२८ र शिक्षा नियमावली २०५९ नै लागू भईरहेको अवस्थामा सम्पूर्ण सरोकारवाला पक्षहरुले अपनत्व स्वीकार नगरेको अवस्था तथा दमक नगर आधारभूत तथा माध्यमिक शिक्षा ऐन २०७६ को परिच्छेद १० दफा ६२ अनुसार विद्यालय व्यवस्थापन गठन गर्नु भनी गरेको परिपत्र त्तत्काल कार्यान्वयन नगर्न समेत ध्यानाकर्षण पत्रमा जनाईएको छ ।
कांग्रेसले आफना मागको कुनै सुनुवाई नगरि एकपक्षीय ढंगले अघि बढ्न खोजे थप चरणबद्ध आन्दोलन गर्ने समेत चेतावनी दिईएको ध्यानाकर्षण पत्रमा उल्लेख छ ।

सम्बन्धित समाचार

भीषण र छाेरी अभियन्ताकाे स्वरमा ‘ए छाेरी, ए बाबा’ सार्वजनिक

चर्चित गायक तथा संगीतकार भीषण मुकारुङ र उनकी छोरी अभियन्ता मुकारुङको स्वरमा ‘ए छोरी, ए बाबा’ बोलको गीत सार्वजनिक भएको छ । दुई दशकभन्दा लामो समयदेखि गायनमा सक्रिय भीषणकी छोरी अभियन्ताले पहिलोपटक गीत रेकर्ड गराएकी...

माङसेबुङमा पत्रकारितामा फिचर लेखन तालिम सम्पन्न

दमक, १६ असार । इलामको माङसेबुङमा गत आइतबारदेखि जारी ‘पत्रकारितामा फिचर लेखन तालिम’ बुधबार सम्पन्न भएको छ । फोनिज संघीय समितिका उपाध्यक्ष कमन देवान र स्थानीय अग्रज सञ्चारकर्मी अवोध अविरलले सहजीकरण गरेको तालिममा आधारभूत समाचार...

माङसेबुङ गाउँपालिकाले कृषि प्रोत्साहन कार्यक्रम ल्याउँदै

लिम्बुवानखबर, १५ असार । इलामको माङसेबुङ गाउँपालिकाले कृषि प्रोत्साहन कार्यक्रम ल्याएको छ । आगामी आर्थिक वर्ष २०७९/८० को निति तथा कार्यक्रममा माङसेबुङ गाउँपालिकाका कृषकहरुका लागि प्रोत्साहन कार्यक्रम ल्याएको हो । निति तथा कार्यक्रममा कृषकलाई प्रोत्साहनका...

आज धान दिवसः देशभर विभिन्न कार्यक्रम गरी मनाइदै

फाइल तस्वीर लिम्बुवानखबर । आज १९औं राष्ट्रिय धान दिवस देश भर विविध कार्यक्रम गरी मनाइँदै छ । यो बर्ष ‘धान रोपौं, खाद्यान्नमा आत्मनिर्भर बनौं’ नाराका साथ राष्ट्रिय धान दिवस मनाउन लागिएको हो । यस दिवसको...