काठमाडौं, ३१ जेठ । निर्वाचन आयोगले असार १ गते देखि मतदाता नामावली संकलन तथा पुरानो अद्यावधिक कार्य गर्ने जनाएको छ । आज एक विज्ञप्ति जारी गर्दै संकलन कार्य शुरु गर्ने जनाएको हो ।
आयोगले आगामी प्रदेशसभा तथा संघीय निर्वाचनलाई लक्षित गर्दै नामावाली संकलन तथा अद्यावधिक कार्य अघि बढाउन लागेको हो ।
आयोगले जारी गरेको विज्ञप्तिमा कुनै पेशा, व्यवसाय वा अन्य कुनै कारणले एक जिल्लामा बसोबास गरिरहेका नागरिकले उसको स्थायी ठेगानामा रहने गरी हाल अस्थायी बसोबास गरिरहेको जिल्लाबाट समेत दर्ता गर्न सक्ने व्यवस्था गरेको बताएको छ । त्यसैगरी मतदाताले आफ्नो मतदाता नामावलीमा रहेको नाम, ठेगाना, जन्ममिति लगायतका विवरण सच्याउनलाई प्रमाण सहित निवेदन दिनु पर्ने आयोगले जनाएको छ ।
आयोगका अनुसार मतदाताले झुटो विवरण दिई मतदाता नामावलीमा नाम समावेश गरेको पाईएको खण्डमा कुनै व्यक्तिले उजुरबाजुर प्रमाणसहित दिएमा उक्त नाम छानविन गरि हटाउन सक्ने समेत विज्ञप्तिमा उल्लेख गरेको छ ।
हेर्नुहाेस् विज्ञप्ति
Related