काठमाडौं, ६ असार । नेपाल आयल निगमले पेट्रोलियम पदार्थको मूल्यमा हालसम्मकै भारी वृद्धी गरेको छ । आइतबार निगलले एक विज्ञप्ति जारी गर्दै मुल्य बृद्धि भएको जनाएको हो ।

निगम सञ्चालक समितिको आकस्मिक बैठक बसी पेट्रोलमा प्रति लिटर २१ रुपैयाँ र डिजेल तथा मट्टीतेलमा प्रतिलिटर २७ रुपैयाँले मुल्य बृद्धि गरेको हो । नयाँ मूल्य आइतबार राति १२ बजेदेखि लागु हुने निगमले विज्ञप्तिमा जनाएको छ ।

अब योसँगै एक लिटर पेट्रोलको मूल्य १९९ रुपैयाँ पुगेको छ भने डिजेल र मट्टीतेलको मुल्य १९२ रुपैयाँ पुगेको छ ।
यस्तैगरी निगमले हवाई इन्धनमा पनि आन्तरिक तर्फ १९ रुपैयाँ मुल्य वृद्धि गरी १८५ रुपैयाँ प्रतिलिटर पुगेको जनाएको छ । हवाई इन्धनको बाह्यतर्फ भने एकसय अमेरिकी डलरले मूल्यवृद्धि गरेको जनाइएको छ ।

निगमले खाना पकाउने ग्याँसको मूल्य भने हाललाई यथावत राखेको विज्ञप्तिमा उल्लेख गरेको छ ।

हेर्नुहाेस् विज्ञप्तीः