सरस्वती मा.वि. माङसेबुङका विद्यार्थीहरू किरात लिम्बु भाषा परीक्षामा लेख्दै
लिम्बुवानखबर, ९ असार । इलामको माङ्सेबुङ–५स्थित सरस्वती माध्यमिक विद्यालयमा किरात लिम्बू भाषा कक्षा १२ को परीक्षा सम्पन्न भएको छ ।
बिहिवार (आज) किरात लिम्बू भाषा कक्षा १२ को परीक्षा सम्पन्न भएको हो । परीक्षामा झापा, इलाम, धनकुटा, सुनसरी, पान्थर, मोरङ लगायतका ३० जना परीक्षार्थीहरु सहभागी भएका थिए ।
पुर्वको ताप्लेजुङ, पान्थर, इलाम तीन जिल्लाहरुमा लिम्बू भाषाको परीक्षा हुदैछ । यसैगरी पान्थरको पृथ्वी माबि यासोक, खलंगाटार माबि याङनाम, सत्येहाङमा माबि इम्बुङ, ताप्लेजुङको सेवा माबि फक्ताङलुङ गाउँपालिका र इलामको सरस्वती माबि माङ्सेबुङ लगायत परिक्षा केन्द्रमा परीक्षा भएको भाषा शिक्षक दिलबिर सेर्माले बताएन ।
लिम्बू भाषा माध्यमिक शिक्षा बोर्डले जारी गरेको कक्षा ११ र १२ परीक्षा तालिका अनुसार आज कक्षा १२ को परीक्षा सम्पन्न भएको छ । यसैगरी भोलि शुक्रबार कक्षा ११ को परीक्षा हुने वोर्डले जनाएको छ । प्रदेश नं. १ सरकारले लिम्बु भाषालाई सरकारी कामकाजी भाषाको रुपमा घोषणा गरेसँगै किरात लिम्बुभाषा शिक्षा अध्ययनमा पछिल्लो समय विद्यार्थीहरुको आकर्षण बढ्दै गएको तथ्याङकले देखाएको छ ।
Related