एजेन्सी । भारतमा पहिलो आदिवासी महिला राष्ट्रपति बन्ने निश्चितप्रायः भएको छ ।

सत्तारुढ भारतीय जनता पार्टीसहितको गठबन्धनले द्रोपदी मुरमुलाई साझा उम्मेदवार बनाउने घोषणासँगै उनी राष्ट्रपति बन्ने निश्चितप्रायः भएको हो । भाजपासहितको गठबन्धनसँग राष्ट्रपति निर्वाचनमा बहुमत मतदाता छन् ।

ओडिसाकी ६४ वर्षकी मुरमु भाजपासँग आवद्ध छिन् । एकल महिला मुरमुका दुई छोराको निधन भइसकेको छ भने उनकी एक छोरी छिन् ।
झारखण्डकी पूर्व गर्भनर मुरमले स्नातकसम्म अध्ययन पूरा गरेकी छिन् । हिन्दू धर्मावलम्बी उनी शाकाहारी हुन् ।

यसअघि भाजपाको साथ पाएर अब्दुल कलाम राष्ट्रपति बनेका थिए । त्यसैगरी दलित समुदायबाट पहिलो राष्ट्रपनि बनेका रामनाथ कोविन्द पनि भाजपाकै साथ पाएर बनेका थिए ।