फाइल तस्वीर

लिम्बुवानखबर । आज १९औं राष्ट्रिय धान दिवस देश भर विविध कार्यक्रम गरी मनाइँदै छ । यो बर्ष ‘धान रोपौं, खाद्यान्नमा आत्मनिर्भर बनौं’ नाराका साथ राष्ट्रिय धान दिवस मनाउन लागिएको हो ।

यस दिवसको अवसरमा देशभर विविध पारम्पारिक कार्यक्रमका साथ रोपाइँ गर्दै मनाईन्दै छ ।

वि.सं २०६१ सालमा विश्वका ४३ राष्ट्रले संयुक्त राष्ट्रसंघलाई अन्तर्राष्ट्रिय धान वर्ष घोषणा गरेपछि नेपालमा वि.सं २०६१ मंसिर २९ गतेको मन्त्रिस्तरीय निर्णय अनुसार वि.सं २०६२ असार १५ गतेदेखि राष्ट्रिय धान दिवस मनाउन सुरु गरिएको हो ।

विविभन्न जाती जनजातिहरुको सांस्कृतिक लोकभाकाहरुमा दोहोरी गाउँदै, हिलो छ्यापाछ्याप गर्दै आज एक अर्कामा खुशी बाढ्दै धान रोप्ने चलन रहेको छ ।

यसैगरी नेपालीहरुले असार १५ लाई दहीच्युरा खाने पर्वका रूपमा पनि मनाउने गरेका छन् । यसैले आज दही चिउरा खाने पर्व भनि भनिन्छ । कृषि सहित सबै पेशा व्यवसायमा लागेका नेपालीहरुले आज दहीच्यूरा खाई असार १५ मान्ने प्रचलन पनि रहेको छ । यो प्रचलन सरकारले धान दिवस मान्नु पहिलादेखि कै नेपालीहरुको खाने गर्दै आएका थिए ।

दहीच्युरा खानाले शरीरमा शीतलता प्रदान गर्दै शक्ति दिन साथै दही खानाले स्वास्थ्य राम्रो हुने वैज्ञानिक दृष्टि समेत रहेको छ ।