प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

 लिम्बुवान न्युज
                       

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन आज (आइतबार) पत्रकार सम्मेलन मार्फत ११ बुँदे निर्णय सार्वजनिक गरेको हो ।

संयुक्त संघर्ष समितिको समन्वय घटक किरात याक्थुङ चुम्लुङ संघीय अध्यक्ष तथा समितिका संयोजक प्रेम येक्तेनको अध्यक्षतामा बसेको बैठकमा समितिमा आबद्ध ४१ भन्दा धेरै घटक तथा पहिचान पक्षधर प्रमुख नेतृत्वहरुको उपस्थिति रहेको थियो ।

संघर्ष समितिले गत इलाम उपनिर्वाचनको समिक्षा, आर्थिक योजना लगायत विविध विषयमा छलफल गर्दै वैठक सम्पन्न पश्चात प्रेसविज्ञप्ति जारी गर्दै नयाँ चरणको आन्दोलन घोषणा गरेको हो ।

संघर्ष समितिले मंसिर २ गते प्रदेश १ को राजधानी विराटनगरमा विशाल जनप्रदर्शन गर्ने विज्ञप्तिको पहिलो बुँदामा उल्लेख गरेको छ । यसैगरी समितिले समानान्तर सत्ताको अभ्यास गर्ने । कोशी नामको पक्षमा मतदान गर्ने ८२ प्रदेश सदस्य र साम्प्रदायिक गाली गर्ने एकालेका तीन नेताहरुलाई प्रदेश १ को कुनै पनि सार्वजनिक कार्यक्रममा निमन्त्रणा नगर्न सबैपक्षसँग आनुरोध गर्ने समेत विज्ञप्तिमा उल्लेख गरेको छ ।

विज्ञप्तिमा पहिचान मुद्दालाई स्थानीय तहसम्म लैजान प्रदेश व्यापी प्रशिक्षण, संगठन विस्तार अभियान असार १५ गते देखि कार्तिक १५ गतेसम्म सञ्चालन गर्दै निर्णायक आन्दोलन गर्ने निर्णय गरिएको छ । इलाम दुईको उपचुनावबाट एकल जातिवादी सत्तालाई चुनौती दिएको र पहिचानको मुद्दालाई प्रतिपक्षीय विचार स्थापित गरेको मतपरिणामलाई सकारात्मक समीक्षा गरेको छ ।

यसैगरी ताप्लेजुङको पवित्रस्थल मुकुमलुङ माथि भएको सांस्कृतिक अतिक्रमण र केबलकार निर्माण खारेजीको लागि पहल संघर्षरत मुक्कुमलुङ ताःङसेप र फाःसिङ चुम्भोसँगै, प्रदेश नं. १ पुनः नामाङ्कन संघर्ष समितिले संयुक्तरुपमा संघर्ष गर्ने निर्णय गरेको छ ।

यस्तै तेस्रो जनआन्दोलन र पहिचान मुद्दालाई शसक्त बनाउन प्रदेश १ मा रहेका सबै समुदाय, मुद्दा मिल्निे दल र संघसंगठनहरुसँग समन्वय गरेर आन्दोलनमार्फत पहिचान स्थापित गर्न एक कार्यदल बनाई पहल शुरु गर्ने विज्ञप्तिमा जनाइएको छ ।

प्रदेश सरकारसँग विगतमा भएको वार्ता अनुसार इलाम कारागारमा जेलजिवन विताईरहेका हस्त बहादुर लिम्बु (आसिस साम्बा)लाई रिहाईको लागि निरन्तर पहल गर्ने पनि विज्ञप्तिमा उल्लेख गरेको छ ।

कियाचु अध्यक्ष येक्तेन, नेपाल आदिवासी अध्यक्ष ग्याल्जे शेर्पा, पहिचान सहितको प्रदेश नं. १ अध्यक्ष डकेन्द्रसिंह थेगिम, किरात राई यायोक्खा अध्यक्ष जीवन हाताचो राई र नेपाल शेर्पा संघ महासचिव लाक्पा शेर्पाद्वारा हस्ताक्षरित विज्ञप्ति जारी गर्दै कोशी नाम खारेजी आन्दोलनलाई नयाँ चरणमा सुरु भएको संयुक्त संघर्ष समितिले घोषणा गरेको छ ।

सार्वजनिक ११ बुँदे निर्णयहरुः

तस्वीरः सामाजिक संजालबाट साभार गरिएकाे ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...