दमक, ७ असार । लिम्बू पत्रकार संघ पान्थरकाे अध्यक्षमा रजनी हाङसरुम्बा निर्वाचित भएका छन्।

शनिबार पान्थरकाे फेदेनमा सम्पन्न संघको तेश्रो जिल्ला अधिवेशनले हाङसरुम्बाको अध्यक्षतामा नौ सदस्यीय नयाँ जिल्ला समिति  चयन गरेको हो।

उक्त अधिवेशनबाट उपाध्यक्षमा भूपेन योङहाङ, सचिवमा इवारा जेबगु, सहसचिवमा मनेन्द्र केरुङ आहुती र कोषाध्यक्षमा सुष्मा हाङसरुम्बा सर्वसम्मत चयन भएका छन्।

यस्तैगरी सदस्यहरूमा इच्छा लिम्बु, तागेरा तावाहाङ, अशाेक लावती र पदम दुःखी सम्बाहाम्फे चयन भएकाे नव निर्वाचित अध्यक्ष हाङसरूम्बाले बताइन् । त्यस्तै प्रदेश महाधिवेशन प्रतिनिधिमा निवर्तमान अध्यक्ष उपेन्द्र एक्तेन, पूर्ण परिचित जवेगु र सम्झना याेङहाङ चयन भएका छन् । 

लिम्बू पत्रकार संघका संघीय अध्यक्ष सन्देश सुब्बाको प्रमुख आतिथ्यमा सम्पन्न अधिवेशनमा नेपाल आदिवासी जनजाति पत्रकार महासंघ (फोनिज) प्रदेश अध्यक्ष एवम् लिम्बू पत्रकार संघका तुम्याहाङ विजयबोध लाओती, अग्रज पत्रकार कबिन्द्र शेर्मा र फोनिज पाँचथरका सचिव सुबास राई लगायतले नव निर्वाचित कार्य समितिलाई बधाई तथा शुभकामना दिएका थिए।