‘याक्थुङ कक्षा ९’ पाठ्यपुस्तक अब आगामी शैक्षिक सत्रदेखि लागु हुने

,   लिम्बुवान न्युज
                       

ललितपुर, ७ असार । लामो प्रतीक्षापछि माध्यमिक तहको याक्थुङ (लिम्बू) भाषा अध्ययनका लागि तयार गरिएको ‘याक्थुङ कक्षा ९’ पाठ्यपुस्तक अब आगामी शैक्षिक सत्रदेखि पठनपाठनमा लागू हुने भएको छ।

पाठ्यक्रम विकास केन्द्रअन्तर्गत मातृभाषा विषय समितिमा प्रस्तुत गरिएको सो पुस्तकमा केन्द्रका महानिर्देशक युवाराज पौडेलको विशेष निर्देशन र विषय समितिका अध्यक्ष श्री बज्रमणि बज्राचार्य, सदस्य डम्बर आङदेम्बे, निर्देशक राजु श्रेष्ठ, र अधिकृत कुमार घिमिरेले महत्वपूर्ण शैक्षिक र पृष्ठपोषणात्मक योगदान पुर्‍याएका छन्।

लेखकद्वय निशेष आङ्देम्बे र अमर तुम्याहाङले तयार पारेको यस पाठ्यपुस्तकलाई अझ प्रभावकारी बनाउन यसअघि सम्पन्न शिक्षक कार्यशालामा येहाङ लओती, सुजाता खजुम, यमता पन्धक र पुष्पहाङ लोवाले पनि उपयोगी सुझाव र परामर्श दिएका थिए।

लामो समयदेखि याक्थुङ समुदायका विद्यार्थीहरूका लागि मातृभाषामा गुणस्तरीय पाठ्यसामग्री अभाव भोगिँदै आएको सन्दर्भमा यो पाठ्यपुस्तक प्रकाशनले मातृभाषा शिक्षा प्रवर्द्धनमा महत्वपूर्ण योगदान गर्ने विश्वास लिइएको छ।

अब आउँदो शैक्षिक सत्रदेखि याक्थुङ कक्षा ९ का विद्यार्थीहरूले नयाँ पाठ्यपुस्तक अनुसार अध्ययन गर्न पाउने लेखक तुम्याहाङले बताए ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;