दमकमा तिनदिने याक्थुङ भाषा ‘‘शिक्षक पेशागत विकास’’ कार्यशाला सुरू

,   लिम्बुवान न्युज
                       

  • दमक, १४ असार ।

झापाको दमकमा बिद्यालय शिक्षामा आदिवासी याक्थुङ लिम्बु भाषा, शिक्षक पेशागत विकास कार्यशाला सुरू भएको छ । तीन दिनसम्म सञ्चालन हुने कार्यशाला किरात याक्थुङ चुम्लुङ सङघीय कार्यसमितिको आयोजनामा र अमेरिका स्थित कोलम्बिया बिश्व बिद्यालयको सहकार्य रहेको छ ।

शुक्रबार देखि शुरू भएकाे प्रशिक्षण कार्यक्रम आइतबार तीन दिनसम्म संचालन हुने बताइएकाे छ । कार्यशालामा झापा र मोरङका २० जना याक्थुङ भाषाका शिक्षकहरूको सहभागिता रहेको कियाचू लिम्बुवान प्रदेश समितिले जनाएकाे छ ।

कार्यशालालाई प्राज्ञ, भाषाविद तथा त्रिविका प्राध्यापक अमुर तुम्याङ,बिज्ञ तथा कोलम्बिया बिश्व बिद्यालय अमेरिकाका प्राध्यापक डा. प्रेम फियाक र बिज्ञ तथा काठमाडौ बिश्वबिद्यालयका एमफिलका सोधार्थी पूर्ण कुमारी लिङदेनले सहजीकरण गरिरहेका छन् ।

किरात याक्थुङ चुम्लुङ झापाका उपाध्यक्ष हस्त आङदेम्बेको अध्यक्षकतामा  सम्पन्न उद्घाटन समारोहमा दमक याक्थुङ प्रज्ञा प्रतिष्ठानका कुलपति तथा पत्रकार सेसेमी मे नाल्बो, किरात याक्थुङ चुम्लुङ मोरङका अध्यक्ष डिबी कुरूम्बाङ, याक्थुङ समुदायका बिज्ञहरू तथा विभिन्न प्रतिनिधिहरूको उपस्थिति रहेको थियो ।

कार्यक्रमको उदेश्यमाथि प्रष्ट पार्दै कार्यशालाका सहजकर्ता कोलम्बिया बिश्व बिद्यालय अमेरिकाका प्राध्यापक डा. फियाकले संविधानमा मातृभाषा शिक्षालाई लागू गर्नेबारे उल्लेख भएपनि विभिन्न कारणहरूले गर्दा लागू हुन नसकिरहेको अवस्था रहेको बताए । साथै प्राज्ञिक शिक्षकहरूको पेशागत विकासमा जोड दिन जरूरी रहेको समेत बताए ।

अरू हरेक विषयमा तालिमहरू हुने गर्छन तर मातृभाषामा शिक्षण गरिराखेका शिक्षकहरूको पेशागत तालिम भने हुंदैनन् त्यसैले ती शिक्षकहरूको पेशागत विकास होस् भन्ने उद्देश्यले यो कार्यशालाको आयोजना गरिएको चुम्लुङले जनाएकाे छ ।

मुन्धुम साबा इन्द्र आङदेम्बेको प्रमुख आतिथ्यता रहेको उद्घाटन कार्यक्रममा किरात याक्थुङ चुम्लुङ लिम्बूवान प्रदेशका सदस्य सचिवालय सदस्य कबिन्द्र शेर्माले स्वागत गरेका थिए भने सञ्चालन प्रदेश सचिव साङसेन पन्धाकले गरेका थिए ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;