चुलाचुली। चुलाचुली गाउँपालिकाको आठौ गाउँसभा शुक्रबार सम्पन्न भएको छ । गाउँसभाको समापन कार्यक्रममा पालिका भित्रका विभिन्न विधाका उत्कृष्टहरुलाई गाउँपालिकाले सम्मान तथा पुरस्कृत गरेको छ ।
यसैक्रममा सर्वोकृष्ट कर्मचारी लेखा अधिकृत मिलन कुमार भट्टराई बनेका छन् । त्यस्तै वडा सचिवहरुमा उत्कृष्ट कर्मचारी चुलाचुली १ की वडासचिव निरु घिमीरे बनेकी छन् ।
यसरी नै टठ बहादुर तिम्सिना उत्कृष्ट कार्यालय सहयोगी बनेका छन् । उत्कृष्ट प्राविधिक सहायकमा दीपेन्द्र राई, उत्कृष्ट सिनियर अनमी स्वास्थ्य शाखा कर्मचारीमा विमली राई बनेकी छन् ।
पालिका भरीको उत्कृष्ट शिक्षक र शिक्षिकामा क्रमशः बालज्योति माविका शिक्षक रुद्र प्रभात गिरी र श्री पञ्चकन्या आविका शिक्षिका खडी माया प्रधान बनेकी छन् । त्यसैगरी उत्कृष्ट विद्यालय कर्मचारीमा गीताञ्जली आबिका डमरु घिमीरे बनेका छन् । पालिकाकै उत्कृष्ट माविमा किरातेश्वर मावि, चुलाचुली ३, उत्कृष्ट विद्यालय आविमा पञ्चकन्या आवि चुलाचुली २ पर्न सफल भएका छन् ।
यसरी नै चुलाचुली–४ को प्रगतिशिल मार्ग दक्षिण जोगी टोल जाने बाटो स्तर उन्नती उपभोक्ता समितिलाई उत्कृष्ट समितिबाट पुरस्कृत गरेको पालिकाले जमुना कन्ट्रक्सन एण्ड सप्लायर्स, इलामका प्रोपाइटर नारद मणि साम्पाङ्लाई उत्कृष्ट निर्माण व्यवसायीको रुपमा पुरस्कृत गरेको छ ।
सम्मानित एवंम् पुरस्कृत उत्कृष्टहरुलाई गाउँसभा समापन कार्यक्रममा गाउँपालिकाका अध्यक्ष प्रदिपचन्द्र राई र उपाध्यक्ष निर्मला दाहालले सम्मान गरेका छन् ।
गाउँपालिकाले आठौं गाउँसभा यहि असार ७ गतेबाट शुरु गरेको थियो ।
Related