कमलमा स्थानीय सरकारद्वारा २० जातीय संस्थालाई सामग्री हस्तान्तरण

 लिम्बुवान न्युज
                       

  • बसन्तराज सुब्बा

झापा, २०असार। झापाको कमल गाउँपालिकाले २० जातीय संघ संस्थाहरुलाई भेषभूषा तथा संस्कृति झल्कने सामाग्री हस्तान्तरण गरेको छ । नेपाल आदिवासी जनजाति महासंघले आज आयोजना गरेको प्लम्बिङ् तालिम समापन कार्यक्रममा सामाग्री वितरण गरिएको हो ।

कमल ३ को शहिद धर्म भक्त माविमा महासंघले स्थानीय सरकारको सहयोगमा संचालन गरेको ४५ दिने प्लम्बिङ तालिमको समापन कार्यक्रमका प्रमुख अतिथि कमल गाउँपालिका अध्यक्ष निर्मला दाहाल र विशिष्ट अतिथि उपाध्यक्ष बेनु सिवाकोटीद्वारा विभिन्न २० सुचीकृति आदिवासी जनजातिका संस्थाहरुलाई च्याब्रुङ, बाजागाजा, राष्ट्रिय झण्डा संस्थाका प्रमुख तथा प्रतिनिधिहरुलाई हस्तान्तरण गरेका थिए ।

त्यसैगरी ४५ दिने प्लम्विङ तालिममा सहभागीहरुलाई प्रमाणपत्र समेत प्रदान गरिएको थियो । उक्त प्लम्बिङ तालिमलाई भिम तामाङ र दुर्गाप्रसाद रिजालले प्रशिक्षण दिएका थिए ।

कार्यक्रममा प्रमुख अतिथि काफ्लेले नेपाल एक बहुजातिय, बहुसंस्कृति, बहुभाषिक र विविधता युक्त भएको मुलुक भएको हुँदा भाषा, संस्कार, संस्कृति लोप हँुदै जाँदा त्यसको संरक्षण र प्रबन्धनको लागि सरकारको बजेट अनुरूप हाम्रो कमल गाउँपालिकाले पनि सहयोग गर्दै आईरहेको बताइन् । अध्यक्ष काफ्लेले स्वरोजगार कार्यक्रम अन्तर्गत ४५ दिने प्लम्बिङ तालिम लिनुहुने सम्पूर्ण प्रशिक्षार्थीहरुलाई बधाई दिएका छन् ।

कार्यक्रम नेपाल आदिबासी जनजाति महासंघ समन्वय परिषद कमल गाउँपालिकाका अध्यक्ष छत्रहाङ् फागोको अध्यक्षतामा भएको थियो । उक्त कार्यक्रममा कमल गाउँ महिला विकास शाखा प्रमुख रेनुका गौतम, ३ नं. वडाध्यक्ष नर प्रसाद दंगाल, लालिमा बोडिङ स्कुलका प्रिंसिपल गौरीमान फागो, फोनिक्स बोडिङका प्रिन्सीपल बद्री सम्पाङ राई, स्कूल व्यवस्थापक समिति अध्यक्ष चक्र गुरुङ, महिला समावेशी शशक्तिकरणका अध्यक्ष गौरा चापागाई, समाजसेवी मन कुमार थलङ लगायत २० वटा जातिय संस्थाका प्रतिनिधिहरुको उपस्थिति रहेको थियो ।

कार्यक्रममा स्वागत मन्तव्य संस्थाका उपाध्यक्ष अकल बहादुर गुरुङले गरेका थिए भने संचालन संस्थाका सचिब मन कुमार तामाङले गरेका थिए ।

सम्बन्धित समाचार

आयोगले तोक्यो चुनाव खर्चको सीमा, कुन क्षेत्रमा कति ?

काठमाडौं, १७ असाेज । निर्वाचन आयोगले उआसन्न प्रतिनिधिसभा निर्वाचनमा उम्मेदवारहरुले गर्न पाउने खर्चको सीमा तोकेको छ । आयोगले मतदाता संख्या, निर्वाचन क्षेत्रको क्षेत्रफल र मतदान केन्द्रका आधारमा क्षेत्रअनुसार खर्च निर्धारण गरेको हो, जसअननुसार मतदाताको संख्यालाई...

चुलाचुली लिम्बुवान अध्यक्षमा नरेन्द्र लेक्वा निर्वाचित

इलाम, सा.लि./संघीय लिम्बुवान प्रान्तीय मञ्च चुलाचुलीको पाँचौ अधिवेशनले नरेन्द्र लेक्वालाई अध्यक्षमा सर्वसम्मत चयन गरेको छ । शनिबार चुलाचुली १स्थित हात्तिलेदामा आयोजित अधिवेशन लेक्वालाई अध्यक्षमा निर्वाचित गरेको हो । शनिबार आयोजित अधिवेशनले लेक्वाको अध्यक्षतामा १३ सदस्यीय...

दमकमा लिम्बु कथानक चलचित्र ‘थिम’काे विशेष प्रदर्शन

दमक । झापाको दमकमा निर्देशक यलम्बर खम्बुको निर्देशन रहेको लिम्बु कथानक चलचित्र ‘थिम’को हाउसफुलका साथ विशेष प्रदर्शन सम्पन्न भएको छ । शनिबार दमकस्थित गोर्खा डिपार्टमेन्ट स्टोरको हलमा चलचित्र ‘थिम’का निर्देशक यलम्बर खम्बु, चलचित्रका कलाकार, लेखक तथा...

जेष्ठ नागरीक दिबस तेह्रथुममा सम्मन्न

३२ औ अन्तर्राष्ट्रिय जेष्ठ नागरीक दिबस आज विभिन्न कार्यक्रम सहित तेह्रथुमको सदरमुकाम म्याङलुङमा बजारमा सम्पन्न भएको छ । जेष्ठ नागरीक जिल्ला संघ तेह्रथुमको आयोजनामा भएको दिबसमा म्यङलुङको बस पार्कबाट र्यालि निकाली उधोग बाणिज्यको सभाहालमा पुगी...