ताप्लेजुङ। ताप्लेजुङमा आईतबार ३४ जनालाई कोरोना संक्रमण पुष्टि भएको जिल्ला स्वास्थ्य कार्यालयले जनाएको छ । कोरोना पुष्टि हुनेमा २० जना पीसीआर र ८ जना एन्टिजेनका रहेका छन् ।

सानिमा हाइड्रोपावरमा कार्यारत कर्मचारीको ५१ जनाको पीसीआरको रिपोर्ट आउँदा २० जनालाई कोरोना संक्रमण पुष्टि भएको हो । केहीदिन अगाडी ६२ जनाको स्वाब संकलन गरी परीक्षणका लागि पठाइएकोमा १ महिला सहित २० जनालाई संक्रमण पुष्टि भएको स्वास्थ्य कार्यालय ताप्लेजुङका तथ्याङ्क अधिकृत हेमराज कठायतले बताए ।

यस्तै सानिमा हाइड्रो पावरमा कार्यारत थप ११ जना कर्मचारीको रिपोर्ट आउन बाँकी रहेको छ । यस्तै जिल्ला अस्पताल ताप्लेजुङमा १५ जनाको परीक्षण गर्दा ७ जनाको एन्टिजेन पोजेटिभ देखिएको छ । पाथीभरा याङवरक गाउँपालिकामा ३ जनाको गर्दा १ जनालाई संक्रमण देखिएको हो । मेरिङदेन गाउँपालिका १० जनाको परीक्षण गर्दा ६ जनालाई पुष्टि भएको छ ।

त्यस्तै मैवाखोला गाउँपालिकामा फलोअप ८ जनाको परीक्षण गर्दा सबैजनाको रिपोर्ट नेगेटिभ आएको तथ्याङ्क अधिकृत कठायतले जानकारी दिनुभयो । जिल्लामा हाल सक्रिय संक्रमितको संख्या ७ सय ७२ जना रहेका छन् भने ५ सय २९ जनाले कोरोना जितेको स्वास्थ्य कार्यालय ताप्लेजुङले जनाएको छ ।