फिदिम, असार २१। पाँचथरको साबिक याङनाम गाबिसका पूर्व प्रधानपञ्च तथा समाजसेवी हस्तराज थाम्सुहाङ र उहाँकी श्रीमती लक्ष्मी कुमारी लक्सम (थाम्सुहाङ) को ८५ औँ जन्मोत्सवको अवसरमा वडाका अतिवपिन्न परिवारलाई खाद्य सामग्री बितरण गरिएको छ ।
हाल फिदिम नगरपालिका १० याङनामका १ सय ३८ बिपन्न घर परिवारलाई खाद्यसामग्री बितरण गरिएको हो ।
कोरोना महामारीमा जारि गरिएको निषेधाज्ञाका कारण समस्यामा परेका परिवारलाई घरमै पुगेर खाद्यान्न बितरण गरिएको थाम्सुहाङका साहिला छोरा होमराजले जनाएका छन् ।
बुवा आमाको जन्मोत्सवको अवसर पारेर दुई लाख बराबरको खाद्यान्न बितरण गरेको हो । –साइला छोरा हेमराजले भने । ‘कोरोनाको कारण बुवा आमाको ८४औं पूजा गर्न नपाएपछि गाँउका मानिसलाई खाद्यन्न बितरण गरिएको हो । थाम्सुहाङ दम्पतिको जन्म दिन केही दिनको फरक भएकाले खाद्यान्न बितरण भने एकैसाथ गरि जन्मोत्सव मनाइएको थाम्सुहाङ परिवारको भनाइ छ ।
Related