फिदिम। पाँचथरको फिदिम ४ जोरसालका ७९ बर्षिय वृद्धको हत्या गरेको आरोपमा एकजना पक्राउ परेका छन् । वृद्ध टेकबहादुर लिम्बुको हत्या आरोपमा फिदिम २ पल्लोटार बस्ने ५९ बर्षिय जिवनारायण श्रेष्ठलाई प्रहरीले पक्राउ गरेको हो ।
घटना भएको २५ दिनपछि हत्या आरोपमा श्रेष्ठलाई प्रहरीले पक्राउ गरेको पाँचथरका प्रहरी प्रमुख डीएसपी दान बहादुर थापाले बताए ।
घटना पश्चातनै शंकाको घेरामा रहेका श्रेष्ठलाई वुधबार घरबाटनै पक्राउ गरिएको जिल्ला प्रहरी कार्यालयका सुचना अधिकारी डम्बर विश्वकर्माले बताएका छन् । पक्राउ परेका श्रेष्ठलाई जिल्ला अदालत पाँचथरबाट म्याद थप गरि अनुसन्धान भइरहेको छ । जिल्ला यान्त्रीक कार्यालय फिदिममा सुरक्षा गार्डको रुपमा काम गर्ने श्रेष्ठले बाम्फोक प्रहार गरी हत्या गरेको खुल्न आएकोे छ ।
हत्या गरिएका व्यक्तिसँग जग्गाको साँध सिमानाको विषयमा विवाद भई हत्या गरिएको अनुसन्धानबाट खुलेको थापाको भनाई रहेको छ । हत्या गरिएका लिम्बु भारतीय सेवानिर्वित कर्मचारी हुन् । थप अनुसन्धानबाट विवरणहरु विस्तृत विवरण खुल्ने जिल्ला प्रहरी कार्यालय पाँचथरले बताएको छ । हत्यारा पत्ता लगाउन तालिम प्राप्त कुकुर समेत प्रहरीले असन्धानको क्रममा परिचालन गरेको थियो ।
Related