जे

जेनी कुवर

लिम्बुवानखबर । नायिका तथा निर्मात्री जेनी कुँवरले आत्महत्या गरेकी छिन् । प्रहरी वृत्त, बानेश्वरले जिएको जानकारी अनुसार आफू बस्दै आएको काठमाडौंको थापागाउँस्थित सनराइज सिटी अपार्टमेन्टमा उनले झुन्डिएर आत्महत्या गरेकी हुन् ।

कुँवर विगत एक बर्षदेखि डिप्रेशनमा भएकी हुँदा आत्महत्याको कारण डिप्रेशन हुनसक्ने प्रहरीले जनाएको छ । कुँवर विगत केही समयदेखि पशुपति मन्दिर परिसरमा साधुको अवतारमा बसिरहेकी थिइन् । केहीअघि उनको पशुपति परिसरमा नै विवाद समेत भएको थियो । उनी सामाजिक संजालमा बेला बेला चर्चामा आउने गरेकी थिइन् ।

अपार्टमेन्टमा जेनीको ‘सुसाइड नोट’ समेत भेटिएको हुँदा थप घटनाको विषयमा अनुसन्धान गरिरहेको प्रहरीले जनाएको छ ।

जेनीले चलचित्र ‘धुम, मैदान, मिस्टर डन, हलचल, घायल, जीवनदाता, त्यागी मान्छे, हाम्रो मिलन कहिले हुन्छ, विन्ती पत्र, अभिमन्यू’ लगायत दर्जनौंमा काम गरेकी छिन् ।

उनले अभिनय तथा निर्माण गरेको चलचित्र ‘घायल’को ‘माया गर मायालुले’ बोलको गीत केही समय अगाडि टिकटकमा समेत हिट भएको थियो ।