दमक/झापाको दमकमा चाँडै नै बाल अस्पताल खुल्ने भएको छ । काठमाडौं इन्ष्टिच्युट अफ चाइल्ड हेल्थको संयोजनमा नेपाल रेडक्रस सोसाइटी दमक उपशाखाको भवनमा सो अस्पताल खुल्ने भएको हो ।
सामुदायिक अस्पतालका रुपमा खुल्ने यो अस्पताल राजधानी बाहिरको पहिलो गैरनाफामूलक सुविधासम्पन्न बाल अस्पताल हुने भएको छ ।
अस्पतालका लागि आधारभूत तयारी गर्ने क्रममा बिहीबार काठमाडौं इन्ष्टिच्युट अफ चाइल्ड हेल्थका अध्यक्ष डा. भगवान कोइराला, करुणा फाउण्डेशनका संयोजक दीपक सापकोटा, मेची अस्पतालका मेडिकल सुपरिण्टेण्डेण्ट डा. टंक बारकोटी, आम्दा अस्पतालका डा. नविन ढकाल, दमक अस्पतालका बालरोग विशेषज्ञ डा. जयमणि श्रेष्ठ, प्रदेश नम्वर १ का अर्थ मन्त्रायलका सचिव उत्तर कुमार खत्री, सामाजिक विकास मन्त्रालयका सचिव गोविन्द कार्की, प्रधानमन्त्री केपी शर्मा ओलीका प्रमुख स्वकीय सचिव इन्द्र भण्डारी, दमक नगरपालिकाकी उपप्रमख गीता अधिकारी लगायतले भवनको निरीक्षण गरेका छन् ।
रेडक्रसमा रहेको भौतिक संरचना, ३ वटा एम्बुलेन्स, प्रयोगशालाबाट बाल अस्पताल खोल्न सहज हुने भन्दै नयाँ अस्पतालको लागि तयारी बारे छलफल भएको रेडक्रस दमक उपशाखाका सभापति प्रकाश बुढाथोकीले जानकारी गराए ।
छलफलका क्रममा प्रदेश सरकार र स्थानीय सरकारबाट पनि बाल अस्पताल खोल्न आवश्यक सहयोग गर्ने प्रतिवद्धता सरकारी अधिकारीहरु र दमक नगरका प्रवक्ता उपप्रमुख अधिकारीले बताइन् । त्यसक्रममा रेडक्रस दमक उपशाखाका पदाधिकारी र सदस्यहरुको पनि उपस्थिति रहेको थियो भने अस्पताल स्थापनाका लागि सहभागी सबै पक्षको समन्वय र सहयोग रहने जनाइएको थियो ।
दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो । सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष...
मधुमल्ला, मोरङ । मिक्लाजुङ गाउँपालिकाले सामुदायिक विद्यालयलाई प्रविधिमैत्री बनाउने अभियानअन्तर्गत ३५ विद्यालयलाई करिब १ करोड ५६ लाख रुपैयाँ बराबरको ICT सामग्री हस्तान्तरण गरेको छ। विद्यालयलाई इन्टरेक्टिभ बोर्ड, कम्प्युटर, ल्यापटप, प्रोजेक्टरलगायतका सामग्री प्रदान गरिएको हो। गाउँपालिकाले...
ललितपुर, उपत्यका व्यूराे। याक्थुङ चलचित्रकर्मी अभिमुखीकरण तथा सिरिजङ्गा लिपि लेखन प्रशिक्षण कार्यक्रम सम्पन्न भएको छ । याक्थुङ मुन्चइत चोक सयङ, नेवा;ताम्सालिङ प्रदेश कार्यसमितिको आयोजनामा बिहीबार ललितपुरस्थित चुम्लुङहिममा कार्यक्रम सम्पन्न भएको हो । याक्थुङ मुन्चइत चोक...
काठमाडौं, २८ साउन । नेपाल पत्रकार महासंघले जनआस्था पत्रिकाका सम्पादक बरिष्ठ पत्रकार किशोर श्रेष्ठको रिहाइको माग गर्दै आज काठमाडौं प्रहरी परिसर अगाडि धर्ना दिएको छ । महासंघले धर्नामा सहभागी हुन प्रेस स्वतन्त्रता पक्षधर सबै पत्रकारलाई...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७