नियारा प्रोडक्सनले एसवाइएनएससीलाई सिक्किममा दियो उपहार ‘लिम्बु पोषाक’

 लिम्बुवान न्युज
                       

सिक्किम । सिक्किममा नियारा प्रोडक्सनले उपहारस्वरूप ‘लिम्बू पोषाक’ एसवाइएनएससीलाई प्रदान गरेको छ । ‘नियारा प्रोडक्सन’का प्रमुख सामाजिक अभियन्ता नियारा सुब्बाका अनुसार एसवाइएनएससी लिम्बू भाषी विद्यार्थीहरूको राज्य स्तरीय संस्था हो ।

“हाम्रो प्रोडक्सनलाई यो संस्थाको सन् २०१६ को व्याचदेखि अहिलेसम्मकै ब्याचका सदस्यहरूले सक्रियातापूर्वक साथ दिँदै आइरहेका छन् । विशेष गरि सांस्कृतिक प्रस्तुतिहरूका लागि निरन्तर सहयोग पु¥याउँदै आइरहेको हुनाले पनि हामी कृतज्ञ छौं”–उनले भनिन् । “समयले सधैं साथ नदिए पनि यसपटक समय मिलाएका छौं, जुराएका छौं । त्यसैले वर्तमान कोरोना महामारीलाई ध्यानमा राख्दै सामाजिक दुरुत्वको नियम पालनका साथ यो सामान्य कार्यक्रम आयोजन गर्न सकेका छौैं ।”

कार्यक्रममा बोल्दै उनले भनिन् “आजबाट धन्यवाद तथा मायाको चिनो दिने परम्परा शुरुभएको छ यसलाई आगामी दिनमा पनि निरन्तरता दिने छौं । साथै उनले लिम्बु भाषा, लिपि र संस्कार संस्कृतिसँगै पोषाकलाई संरक्षण गर्दै अगाडि बढ्ने पनि प्रतिबद्धता गर्ने जनाइन् ।

प्रोडक्सनका प्रमुख सुब्बाले एसवाइएनएससी, एसवाइएसएस र चिन्मय मिसन (सिक्किम च्याप्टर) का सम्पूर्ण सदस्य साथै अन्य सहयोगीहरूप्रति पनि आभार प्रकट गरेकी छन् ।

आगामी दिनमा नियारा प्रोडक्सनले चाँड़ै ‘याक्थुङ इनाक’ (लिम्बू सिङ्गिङ आइडल) आयोजना गर्ने समेत सुब्बाले घोषणा गरेकी छन् । गीत संगीतको माध्यमद्वारा लिम्बू जातीबाट ‘सेलिब्रेटी’हरू जन्माउन सकौं भन्ने उद्देश्य राखिएको उनले बताएकी छन् ।

सम्बन्धित समाचार

आयोगले तोक्यो चुनाव खर्चको सीमा, कुन क्षेत्रमा कति ?

काठमाडौं, १७ असाेज । निर्वाचन आयोगले उआसन्न प्रतिनिधिसभा निर्वाचनमा उम्मेदवारहरुले गर्न पाउने खर्चको सीमा तोकेको छ । आयोगले मतदाता संख्या, निर्वाचन क्षेत्रको क्षेत्रफल र मतदान केन्द्रका आधारमा क्षेत्रअनुसार खर्च निर्धारण गरेको हो, जसअननुसार मतदाताको संख्यालाई...

चुलाचुली लिम्बुवान अध्यक्षमा नरेन्द्र लेक्वा निर्वाचित

इलाम, सा.लि./संघीय लिम्बुवान प्रान्तीय मञ्च चुलाचुलीको पाँचौ अधिवेशनले नरेन्द्र लेक्वालाई अध्यक्षमा सर्वसम्मत चयन गरेको छ । शनिबार चुलाचुली १स्थित हात्तिलेदामा आयोजित अधिवेशन लेक्वालाई अध्यक्षमा निर्वाचित गरेको हो । शनिबार आयोजित अधिवेशनले लेक्वाको अध्यक्षतामा १३ सदस्यीय...

दमकमा लिम्बु कथानक चलचित्र ‘थिम’काे विशेष प्रदर्शन

दमक । झापाको दमकमा निर्देशक यलम्बर खम्बुको निर्देशन रहेको लिम्बु कथानक चलचित्र ‘थिम’को हाउसफुलका साथ विशेष प्रदर्शन सम्पन्न भएको छ । शनिबार दमकस्थित गोर्खा डिपार्टमेन्ट स्टोरको हलमा चलचित्र ‘थिम’का निर्देशक यलम्बर खम्बु, चलचित्रका कलाकार, लेखक तथा...

जेष्ठ नागरीक दिबस तेह्रथुममा सम्मन्न

३२ औ अन्तर्राष्ट्रिय जेष्ठ नागरीक दिबस आज विभिन्न कार्यक्रम सहित तेह्रथुमको सदरमुकाम म्याङलुङमा बजारमा सम्पन्न भएको छ । जेष्ठ नागरीक जिल्ला संघ तेह्रथुमको आयोजनामा भएको दिबसमा म्यङलुङको बस पार्कबाट र्यालि निकाली उधोग बाणिज्यको सभाहालमा पुगी...