काठमाडौं, २९ असार । प्रधानमन्त्री केपी शर्मा ओलीले आफू नेतृत्वको सरकार सबैभन्दा ऐतिहासिक रुपमा सफल भएको दावी गरेका छन् । सिंहदरबार छाड्नुअघि राष्ट्रका नाममा सम्बोधन गर्दै उनले आफ्नो सरकार ऐतिहासिक रुपमा सफल भएको बताएका हुन् ।

सम्बोधनको क्रममा प्रधानमन्त्री ओलीले सबै नेपालीहरु, कर्मचारी सुरक्षाकर्मी, राष्ट्रसेवक, कोभिडविरुद्ध अग्रमोर्चामा खटिएका सबैलाई धन्यवाद दिएका छन् । यसैगरी उनले नेपालको विकास साझेदार गरेका मित्रराष्ट्रका सरकार प्रमुख र राष्ट्रप्रमुखलाई पनि ओलीले धन्यवाद भनेका छन् ।

प्रधानमन्त्री ओलीले पार्टी कार्यकर्ताहरुलाई धैर्यता नगुमाउन भन्दै संयमता अपनाएर एकढिक्का भई अघि बढ्न आग्रह गर्दै भने “एकछिन बादल लागेको हो, फेरि बादल हटाएर सूर्य आउनेछ ।”