मृतक वडासदस्य धनबहादुर राई

दमक। इलाम माङसेबुङ गाउँपालिका वडा नं. ४ का वडासदस्य धनबहादुर राईको मोटरसाइकल दुर्घटनामा परी निधन भएको छ ।

बुधबार दिउँसो अन्दाजी ४ बजे मे. ८ प ६०४ नम्बरको मोटरसाईकल दुर्घटनामा गम्भीर घाइते भएका वडासदस्य रहेका ३६ वर्षीय राईको झापाको वि एण्ड सी अस्पतालमा उपचारको क्रममा ज्यान गएको प्रहरीले जनाएको छ ।

मोटरसाईकलबाट घरतर्फ आउँदै गरेका राई दमक रवि सडक खण्ड अन्तरगत रतुवा पुल नजिक अनियन्त्रित भई सेतेभिरबाट अन्दाजी १ सय मिटर तल झर्दा टाउकोमा चोट लागेको थियो । उनलाई टाउकोमा गम्भीर चोट लागेपछि उपचारको लागि वि एण्ड सी अस्पतालमा लगिएकोमा डाक्टरले मृत्यु घोषणा गरेको जिल्ला प्रहरी कार्यालय इलामले जनाएको छ ।