जुवा खेलमा संलग्नहरू इलाका प्रहरी कार्यालय दमकमा पक्राउ पश्चात

दमक, १ साउन । दमकबाट ११ जना जुवाडे खेल्दै गर्दा पक्राउ परेका छन् । इलाका प्रहरी कार्यालय दमकको टोलीले वडा नम्बर ७ हाटखोलास्थित कर्णबहादुर राईको घरबाट शुक्रबार साँझ ११ जनालाई पक्राउ गरेको हो ।

जुवा खेलिरहेको विशेष सूचनाको आधारमा इलाका प्रहरी कार्यालय दमकको टोलीले छापा मार्दा २ लाख आठ हजार पन्चानब्बे रुपैयाँ, १६ थान कौडा सहित जेवाडेहरु पक्राउ परेको जिल्ला प्रहरी कार्यालय झापाले जनाएको छ ।

पक्राउ परेकाहरु दमक र दमक बाहिरका समेत रहेको प्रहरीले जनाएको छ । पक्राउ परेकालाई शुक्रबार साँझबाटै हिरासतमा राखेर कारबाही थालिएको इलाका प्रहरी कार्यालयका प्रमुख प्रहरी नायव उपरीक्षक नवराज कार्कीले बताएका छन् ।