शिवसताक्षी, १ साउन । संघीय लोकतान्त्रिक राष्ट्रिय मञ्च तथा संघीय लिम्बुवान मञ्चका संघीय तथा केन्द्रीय सदस्य होम कुमार साम्सुहाङकाे निधन भएको छ । ७४ बर्षीय साम्सुहाङकाे उपचारको क्रममा झापाको विर्तामोडस्थित बि एण्ड सि अस्पतालमा शुक्रबार साँझ ११ बजे निधन भएको हो ।

उनी लामो समय देखि मृगौला खराब भई उपचाररत थिए । २०६२/०६३ को जनआन्दोलन पश्चात उठेको पहिचानको आन्दोलनसँगै पूर्वमा उठेको लिम्बुवान आन्दोलनमा सरिक भई विभिन्न मोर्चाहरुमा समेत सक्रिय रहेका साम्सुहाङ् नेतपाली कांग्रेसको राजनीति त्यागेर मञ्चले अवलम्बन गरेको पहिचान र लिम्बुवानको राजनीतिमा सक्रिय भएका थिए ।

ताप्लेजुङको चाक्सिबोटे ७ कातिकेमा २००४ सालमा जन्मिएका उनी पछिल्लो समय झापा शिवसताक्षीका स्थायी रुपमा बसोबास गर्दै आउनु भएको थियो । लिम्बुवान मञ्चको क्षेत्रीय सभापति बाट पहिचान समिति सदस्य हुुँदै संघीय तथा प्रान्तीय मञ्चको केन्द्रीय सदस्य बनेका लिम्बुका ३ छोरा र ४ छोरीका धनी थिए ।

सामाजिक व्यक्तित्व, अत्यन्तै मिलनसार, लिम्बुवान सहितको १०+१ प्रान्तको राजनीतिमा सधै क्रियाशिल रहनुहुने नेताको निधनले अपुरणीय क्षति पुगेको मञ्चका उपाध्यक्ष ज्ञानुहाङ् इम्बुङ्ले बताए । उनको आजै कन्काई माई नजिकै दुमुखामा किरात धार्मिक परम्परा अनुसार अन्त्येष्टी गरिएको छ ।