निर्वाचन आयोगको इजलासमा जसपा विवाद बारे आजबाट बहस हुँदै

 लिम्बुवान न्युज
                       

काठमाडौं । जनता समाजवादी पार्टी नेपाल (जसपा)को आधिकारिता विवाद सुल्झाउन निर्वाचन आयोगले गठन गरेको इजलास आज (आइतबार) बस्दै छ । जसपा आधिकारिकताको विवाद बारे बहस बिहान ११ बजे बाट सुरु हुने बताइएको छ ।

जसपाबाट निष्कासित महन्थ ठाकुरलगायत समूहले आयोगसमक्ष आफूहरुलाई जसपाबाट अलग गरिदिन माग गर्दै निवेदन दिएपछि दलको आधिकारिकता बारे जसपाले पनि आयोगमा आधिकारिकता दावी गर्दै निवेदन दिएको थियो । आइतबारबाट सुरु वहस सकिएपछि आयोगले आधिकारिकता सम्बन्धी विवादमा निर्णय गर्ने छ ।

निर्वाचन आयोगका प्रवक्ता राजकुमार श्रेष्ठका अनुसार आयोगको निर्णय आउने समय बहस कति लामो चल्छ भन्ने कुरामा भर्नेछ । जसपाको आधिकारिकता सम्बन्धी विवाद निरुपणका लागि गत असार २३ गते प्रमुख निर्वाचन आयुक्त दिनेशकुमार थपलियाको नेतृत्वमा पाँच सदस्यीय इजलास गठन गरिएको थियो ।

यो इजलासले जसपाको नाम र निर्वाचन चिह्न कुन पक्षले पाउने भन्ने निर्णय लिने छ । त्यसैले आयोगले लिने निर्णयलाई चासोका साथ हेरिएको छ ।
आयोगलाई आफ्नो बहुमत रहेको देखाउन आज सशरीर निर्वाचन आयोगमा उपस्थित हुने जसपाले जनाएको छ ।

जसपाबाट निष्कासित ठाकुर समूहले किर्ते गरी पेश गरेको कार्यकारिणी समितिको नामावली यसअघि नै निर्वाचन आयोगले खारेज गरिसकेको छ ।

सम्बन्धित समाचार

अध्यक्ष ठाकुरलाई भीष्मपितामहको संज्ञा

निलम्बित सांसद रेशम चाैधरी काठमाडौं, ११ साउन । निलम्बित प्रतिनिधिसभा सदस्य तथा जसपाका कार्यकारिणी सदस्य रेशम चौधरीले पार्टी अध्यक्ष महन्थ ठाकुरलाई भीष्मपितामहको संज्ञा दिएका छन् । आफू हार्ने निश्चित हुँदाहुँदैपनि ठाकुरले केपी ओलीलाई सघाएको स्मरण...

उपेन्द्र पक्षले पायो जसपाको आधिकारिकता

काठमाडौ। निर्वाचन आयोगले जनता समाजवादी पार्टी (जसपा), नेपालको उपेन्द्र यादव पक्षलाई आधिकारिकता दिएको छ । यादव पक्षमा केन्द्रीय कार्यकारिणी समितिका बहुमत सदस्य भएकाले आयोगले उनैलाई आधिकारिकता दिएको हो । आज भएको हेड काउण्टमा उपेन्द्र नेतृत्वको...

कमल २ मा लिम्बुवान मञ्च गठन

केर्खाबजार, ११ साउन। संघीय लिम्बुवान मञ्च, नेपाल कमल गाउँपालिकाको २ नम्बर वडा कमिटी गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङको प्रमुख आतिथ्यतामा रमेश खड्काको अध्यक्षतामा वडाकमिटी गठन भएको हो । सोमबार तोपगाछी समयगढमा...

पाँचथरका दुई परिवारलाई समाजद्वारा सहयोग प्रदान

  रकम हस्तान्तरण गर्दै संयाेजक लावाहाङ चेम्जाेङ् फाल्गुनन्द। पाँचथरको फाल्गुनन्द गाउँपालिकाका दुई परिवारलार्य फाल्गुनन्द एकता समाज मलेसियाले सहयोग रकम हस्तान्तरण गरेको छ । शुक्रबार रुखले किचेर करङ भाँचिएकी फाल्गुनन्द २ का देउमान नेम्बाङकी श्रीमती मञ्जु...