अब इतिहासको पन्नामा साहित्यकार नवल फाइवाली

 लिम्बुवान न्युज
                       

दमक, ५ साउन । किरात साहित्यकार तथा लेखक नरबहादुर लिम्बू (नवल फाइवाली)को निधन भएको छ । झापाको अर्जुनधारा ७ निवासी ८० वर्षीय साहित्यकार फाइवालीको मंगलबार दिउँसो निधन भएको हो । अब उनी इतिहासको पन्नमा मात्र हुनेछन् ।

साहित्यकार फाइवालीलाई ५ दिनदेखि स्वास्थ्यमा समस्या देखिएपछि सोमबार उपचारका लागि बिर्तामोडको बिर्ता सिटी हस्पिटलमा भर्ना गरिएको थियो । यसअघि अर्जुनधारा ७ कै शंकर हस्पिटलमा केही दिन उपचार गरिएको थियो । उपचारकै क्रममा छातीमा समस्या देखिएपछि उनलाई मंगलबार बिर्ता सिटी हस्पिटलमा भर्ना गरिएको हो ।

पछिल्लोपटक उनको एन्टिजेन परीक्षण गरिँदा कोरोना भाइरसको संक्रमण देखिएको थियो । उपचारकै क्रममा हृदयघात भई निधन भएको कान्छा छोरा राज लिम्बूले जानकारी दिएका छन् । हस्पिटलमा भर्ना गरिए पनि उनको छातीमा समस्याबाहेक कुनै समस्या देखिएको थिएन ।

बि.सं. १९९८ सालमा जन्मिएका साहित्यकार नवल फाइवाली किरात धर्म, संस्कार र भाषाका लागि विज्ञ मानिन्थे । उनका दर्जनभन्दा बढी कृति प्रकाशित छन् । उनको पहिलो कृति ‘अन्यायको हार’ २०३६ मा प्रकाशित भएको थियो भने उनको पछिल्लो कृति ‘अन्तिम यात्रा’ प्रकाशनमा आएको छ । किरात सिरीजंगा लिपीमा प्रकाशित कृतिहरुमा याक्थुङ मिङवान २०५०, पालाम २०५०, मुक्पान सुम २०६१, नानु खदेम २०६९ रहेको छ । उनी किरात याक्थुङ चुम्लुङका पूर्व केन्द्रीय सदस्य हुन् । योङहाङ कुलवंशको केन्द्रीय उपाध्यक्ष समेत भएका उनी यलम्बर टाइम्स साप्ताहिकका स्तम्भरकार सहित समेत रहेका थिए ।

लिम्बूभाषा साहित्य प्रतिष्ठानको केन्द्रीय समितिको निवर्तमान उपकुलपति समेत रहेका फाइवाली हालसम्म कुनै कति कतै खोट नलागेका एक असल व्यक्तित्व रहेको लिम्बु साहित्यकार सेसेमी से नाल्बो बताउँछन् । उनमा सिर्जनसिल साहित्य प्रतिको झुकाव अत्यन्तै रहेको नाल्बो बताउँछन् । विभिन्न संघसंस्थाहरुले सम्मान गरिसकेका फाइवालीलाई लिम्बु साहित्य प्रतिष्ठानले झापाको दमकमा गत वैशाखमा याक्थुङ साहित्य पुरस्कार २०७८ द्वारा सम्मान गरेको सम्मान नै उनको अन्तिम सम्मान रहेको थियो ।

सम्बन्धित समाचार

आयोगले तोक्यो चुनाव खर्चको सीमा, कुन क्षेत्रमा कति ?

काठमाडौं, १७ असाेज । निर्वाचन आयोगले उआसन्न प्रतिनिधिसभा निर्वाचनमा उम्मेदवारहरुले गर्न पाउने खर्चको सीमा तोकेको छ । आयोगले मतदाता संख्या, निर्वाचन क्षेत्रको क्षेत्रफल र मतदान केन्द्रका आधारमा क्षेत्रअनुसार खर्च निर्धारण गरेको हो, जसअननुसार मतदाताको संख्यालाई...

चुलाचुली लिम्बुवान अध्यक्षमा नरेन्द्र लेक्वा निर्वाचित

इलाम, सा.लि./संघीय लिम्बुवान प्रान्तीय मञ्च चुलाचुलीको पाँचौ अधिवेशनले नरेन्द्र लेक्वालाई अध्यक्षमा सर्वसम्मत चयन गरेको छ । शनिबार चुलाचुली १स्थित हात्तिलेदामा आयोजित अधिवेशन लेक्वालाई अध्यक्षमा निर्वाचित गरेको हो । शनिबार आयोजित अधिवेशनले लेक्वाको अध्यक्षतामा १३ सदस्यीय...

दमकमा लिम्बु कथानक चलचित्र ‘थिम’काे विशेष प्रदर्शन

दमक । झापाको दमकमा निर्देशक यलम्बर खम्बुको निर्देशन रहेको लिम्बु कथानक चलचित्र ‘थिम’को हाउसफुलका साथ विशेष प्रदर्शन सम्पन्न भएको छ । शनिबार दमकस्थित गोर्खा डिपार्टमेन्ट स्टोरको हलमा चलचित्र ‘थिम’का निर्देशक यलम्बर खम्बु, चलचित्रका कलाकार, लेखक तथा...

जेष्ठ नागरीक दिबस तेह्रथुममा सम्मन्न

३२ औ अन्तर्राष्ट्रिय जेष्ठ नागरीक दिबस आज विभिन्न कार्यक्रम सहित तेह्रथुमको सदरमुकाम म्याङलुङमा बजारमा सम्पन्न भएको छ । जेष्ठ नागरीक जिल्ला संघ तेह्रथुमको आयोजनामा भएको दिबसमा म्यङलुङको बस पार्कबाट र्यालि निकाली उधोग बाणिज्यको सभाहालमा पुगी...