दुबईमा प्रविधिमार्फत गराइयो कृतिम वर्षा

 लिम्बुवान न्युज
                       

दुबई । संयुक्त राज्य इमिरेष्ट्को दुवाईमा तापक्रम ५० डिग्री पुगेर अत्याधिक गर्मी बढेपछी शहरमा कृतिम वर्षा गराइएको छ । युएईको मौसम विभागले आइतबार दुबईसहित धेरै इलाकामा क्लाउड सिडिङ प्रविधि मार्फत वर्षा गराएको हो ।

युएई मात्र नभएर अमेरिका, क्यानडा, चीन, बेलायतलगायत धेरै देशमा अहिले तापक्रम ४५ देखि ५० डिग्रीको आसपास रहेको बताइएको छ ।

युएईमा गर्मीका कारण बाहिर काम गर्ने मानिसहरुको अवस्था बेहाल भएको छ । गर्मीबाट बच्न दुबईले कृतिम वर्षाको नयाँ उपाय निकालेको हो । यसबर्ष यहाँको तापक्रम ५० डिग्रीसम्म रेकर्ड गरिएको छ ।

मौसम विभागका अनुसार युएईले ड्रोनको प्रयोग गर्दै बादललाई विद्युतीय चार्ज गर्ने काम गरेको छ । त्यस चार्जपछि बादल वर्षिएको हो । यस प्रविधिमार्फत बिजुलीले बादलहरूलाई जोडसँग झट्का दिन्छ । जसबाट बादलमा घर्षण पैदा हुन्छ र यही घर्षणका कारण पानी पर्छ ।

युएईस्थित रिडिङ विश्वविद्यालयका विज्ञहरु यस तरिकाको वर्षा गराउने काममा सक्रिय छन् । मौसम विभागकाअनुसार क्लाउड सिडिङ नामक प्रविधिमार्फत यी सबै कामहरु भइरहेका छन् र यस प्रविधिको लक्ष्य वर्षेनी वर्षातको दर बढाउने हो । गत बर्ष पनि युएईले यही प्रविधिमार्फत कृतिम वर्षा गराएको थियो । (एजेन्सीको सहयोगमा)

सम्बन्धित समाचार

बहु प्रतिक्षित ‘देम सारो’ गीतको भिडियो सार्वजनिक

लिम्बुवानखबर, ९ असोज । सर्वप्रिय गायक राजेश पायल राईको बहु प्रतिक्षित ‘देम सारो’ गीतको भिडियो सार्वजनिक भएको छ । दर्शन नमस्ते ५ एल्बममा समाबेश हुने यो गीतको अडियो रिलिज अगाबै श्रोताको मनमा बस्न सफल भैसकेको...

लिम्बु भाषाको बालगीत ‘लाबे पम्बम’को अडियो सार्वजनिक

काठमाडौ, ९ असोज । लिम्बू भाषाको बाल गीत ’लाबे पम्बम’ को अडियो सार्वजनिक भएको छ । शनिबार याक्थुङ फिल्मस युट्यूव च्यानलबाट बाल गीत रिलिज भएको हो । बहुप्रतिका धनी सागर केरुङको शब्द रहेको उक्त गीतलाई...

हतासको मनोदशा

दक्षिण पूर्व एशियाको  भू-परिवेष्ठित राष्ट्र नेपाल विश्व राजनैतिक मञ्चमा एकाएक चर्चामा आएको छ । विश्व सक्ती राष्ट्र चीन र भारतको केन्द्रमा रहेको राष्ट्र नेपाल पूर्वी एसियामा मात्र होइन वासिङ्टन, बेइजिङ्ग, ह्वाइट हाउस नयाँ दिल्ली र...

काउन्सिलले पहिलो पटक गर्‍यो अंग्रेजी पुस्तक ‘इयर बुक’ को प्रकाशन

काठमाडौं । प्रेस काउन्सिल नेपालले पहिलो पटक अंग्रेजी वर्ष पुस्तक ‘इयर बुक’ को प्रकाशन गरेको छ । काउन्सिलको ५२ औँ वार्षिकोत्सवका अवसरमा राष्ट्रपति भवन शितल निवासमा बुधबार आयोजित कार्यक्रममा राष्ट्रपति विद्यादेवी भण्डारीले बुक सार्वजनिक गरिन्...