दमक, ९ साउन । झापामा आज थप ५ जना कोरोना संक्रमितको मृत्यु भएको छ । मृत्यु हुनेमा बिर्तामोडकी ५९ वर्षिया महिला र ६० वर्षिय पुरुष, दमककी ३० बर्षिया महिला, गौरीगञ्जका २४ बर्षिय पुरुष र इलामका ८७ वर्षिय पुरुषको कोरोना संक्रमणबाट मृत्यु भएको हो ।

पछिल्लो २४ घण्टामा झापामा एकै साथ पाँच जनाको कोरोना संक्रमणबाट मृत्यु भएको जिल्ला स्वास्थ्य कार्यालय झापाले जनाएको छ । योसँगै झापामा कोरोना संक्रमणबाट मृत्यु हुनेको सँख्या ४२५ जना पुगेको छ ।

यसैगरी आज दमकका ४६ सहित झापाका २२३ जनालाई संक्रमण पुष्टि भएको छ । दमकमा संक्रमित थपिएकामा १८ पुरुष , २८ महिला रहेका छन् । जिल्लामा भने १३४ महिला र ८९ जना पुरुषलाई संक्रमण देखिएको हो ।

योसँगै झापामा कूल संक्रमितको सँख्या २० हजार ४९२ पुगेको छ । त्यसमध्ये १४ हजार ५८१ जना डिस्चार्ज भएका छन् । जिल्लामा २७९२ जना सक्रिय संक्रमितहरु विभिन्न आइसोलेसनमा उपचाररत रहेका छन् ।