दमक लगायत झापाका पाँच स्थानीय तहले गर्‍यो निषेधाज्ञा

 लिम्बुवान न्युज
                       

दमक, ११ साउन । दमकमा कोरोना संक्रमण फैलदो क्रममा रहेको भन्दै रोकथाम तथा नियन्त्रणको लागि कडा निषेधाज्ञा लागू गरेको छ । शुक्रबार दमक नगरपालिकामा बसेको सर्वपक्षीय भेलाले गरेको निर्णय अनुसार सोमबार विहान ४ बजेदेखि एक हप्तासम्म निषेधाज्ञा गरेको हो ।

निषेधाज्ञा अवधीभर अत्यावश्यक सेवा बाहेकका सबै सेवाहरु बन्द गरी कडाईका साथ पालना गर्न सर्वपक्षीय भेलाले छलफलको क्रममा निश्कर्ष निकालेको थियो । अनुमति नलिई अत्यावश्यक काम बाहेक घरबाट बाहिर ननिस्कन पनि नगरपालिकाले भनेको छ ।

यस्तै झापामा पछिल्लो समय कोरोना संक्रमण र संक्रमितको मृत्यु दर बढ्दै गएपछि जिल्लाका ५ पालिकाहरुले निषेधाज्ञा लागू गरेका छन् । झापाको पन्ध्र पालिकाहरु मध्ये दमकसँगै, कन्काई, विर्तामोड, अर्जुनधारा र बुद्धशान्तिमा निषेधाज्ञा जारी गरिएको छ । जिल्लामा निषेधाज्ञा खुकुलो भएसंगै पछिल्ला समय संक्रमण ह्वात्तै बढ्न थालेपछि पालिकाहरुले अहिले कडाईका साथ निषेधाज्ञा गर्न थालेका हुन् ।

दमकमा पछिल्ला समय संक्रमण ह्वात्तै बढ्दै गएको छ । संक्रमणका कारण दमकका कोभिड विशेष अस्पतालमा विरामी भरिभराउ भएका छन् । गत चैत्र २७ गते देखि शुरु भएको दोस्रो भेरियन्टको कोरोना संक्रमणबाट दमकमा हालसम्म ३८ जनाको निधन भएको छ । त्यसैगरी दमकमा संक्रिय संक्रमित ५०१ जना रहेको छ भने २८२१ जनालाई कोरोना पोजेटिभ देखिएको छ । हालसम्म दमकमा २२६४ जना कोरोना संक्रमण मुक्त भएका छन् । हाल दमकको कोभिड उपचार केन्द्रमा २८ जना र दमकको आम्दा अस्पतालमा २१ गरी ५१ जनाको उपचार भईरहेको नगरपालिकाले जारी गरेको विज्ञप्तिमा उल्लेख गरेको छ ।

बिर्तामोडका १८ प्रतिशतलाई संक्रमण देखिएपछि निषेधाज्ञा जारी गरेको नगरप्रमुख ध्रुव शिवाकोटीले बताएका छन् । तर, विर्तामोड नगरपालिकाले निषेधाज्ञा कडाई गर्न खोज्दै गर्दा गुजारा गरी खानेहूलाई गाह्रो हुने भन्दै व्यवसायीहरुले त्यसको विरोध गरेको नगर प्रमुख शिवोकोटीले बताए । बिर्तामोडमा कोरोना संक्रमणका कारण ५३ जनाको मृत्यु भइसकेको छ भने कूल संक्रमितको सँख्या ३ हजार ३६३ पुगेको छ । अहिले ५४९ जना सक्रिय संक्रमितहरु विभिन्न आइसोलेसनमा उपचाररत रहेको नगरपालिकाको स्वास्थ्य शाखाले जनाएको छ ।

यस्तै, शनिवारदेखि कनकाई नगरपालिकामा एक साताका लागि निषेधज्ञा लागू गरिएको छ । त्यसैगरी बुद्धशान्ति गाउँपालिकाले पनि चारदिन अघिदेखि नै निषेधाज्ञा जारी छ । अर्जुनधारा नगरपालिकाको शनिश्चरे वजारमा पनि स्थानीय सरकारले निषेधाज्ञा गरेको छ ।

दमक नगरपालिकाले जारी गरेकाे बिज्ञप्तिः

सम्बन्धित समाचार

विर्तामाेडमा प्रतिबन्धित औषधीसहित एकजना पक्राउ

दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित  मनकुमार...

प्रथम ध्रुवतारा फूटसल प्रतियाेगिता हुँदै

दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली  ३ गते सम्म संचालन हुनेछ ।  दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले  इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र  मेडलमा चित्त बुझाउनु पर्ने छ ।

प्रदेश नं. १ नामकरण बहसले लियो नयाँ मोड– अशाेक चेम्जाेङ्

दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...

सरकारले प्रतिनिधिसभामा दुइतिहाइ गुमायाेः राष्ट्रिय सभामा अल्पमत

ललितपुर, ३२ असार ।  जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...