रकम हस्तान्तरण गर्दै संयाेजक लावाहाङ चेम्जाेङ्
फाल्गुनन्द। पाँचथरको फाल्गुनन्द गाउँपालिकाका दुई परिवारलार्य फाल्गुनन्द एकता समाज मलेसियाले सहयोग रकम हस्तान्तरण गरेको छ ।
शुक्रबार रुखले किचेर करङ भाँचिएकी फाल्गुनन्द २ का देउमान नेम्बाङकी श्रीमती मञ्जु नेम्बाङलाई ३९ हजार १५० रुपैयाँ रकम समाजको नेपाल संयोजक लावाहाङ चेम्जोङ्ले प्रदान गरेका छन् ।
उक्त रकम हस्तान्तरण कार्यक्रममा सत्यहाङमा माबिका प्र.अ रामभक्ति नेम्बाङ्, स्थानिय भगिराज चेम्जोङ र गोल्डेन टेलिभिजनका अनुप लिम्बुको उपस्थितिमा हस्तान्तरण गरिएको संयोजक चेम्जोङ्ले बताए ।
यस्तैगरी प्रवास मलेसियामा रहेका मिक्सेन चेम्जोङ् र इजरायलमा रहेकी दिपा लावतीको विशेष पहलमा पाठेघर र खुट्टाको समस्याका कारण मृत्यु भएकी मनकुमारी चेम्जोङ नेम्बाङकी श्रीमानलाई ८८ हजार रुपैयाँ रकम प्रदान गरिएको छ ।
समाजका नेपाल संयोजक चेम्जोङ, रुकेन्द्र चेम्जोङ र वडा सदस्य चन्द्र कुमारी नेम्बाङबाट संयुक्त रुपमा रकम हस्तान्तरण गरिएको हो ।
संघीय लिम्बुवान मञ्च, नेपालका प्रान्तीय सचिव समेत रहेका चेम्जोङ् कोरोनाको दोस्रो भेरियन्टबाट संक्रिमित पनि हुन् । उनी केही समय देखि फाल्गुनन्द एकता समाजका नेपाल संयोजक समेत भएर काम गरिरहेका छन् ।
Related