केर्खाबजार, ११ साउन। संघीय लिम्बुवान मञ्च, नेपाल कमल गाउँपालिकाको २ नम्बर वडा कमिटी गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङको प्रमुख आतिथ्यतामा रमेश खड्काको अध्यक्षतामा वडाकमिटी गठन भएको हो ।

सोमबार तोपगाछी समयगढमा भएको वडा गठन कार्यक्रममा प्रथम उपाध्यक्ष चित्र बहादुर गुरुङ –आशिष), उपाध्यक्ष मिनकुमार कार्की, सचिव तिर्थ पोमु, सहसचिव सहवीर राई, अर्थसचिव चन्द्रकला राई, सह–अर्थसचिव हरि श्रेष्ठ, सदस्यहरुमा दिपक भण्डारी, गंगा राई, बासु भण्डारी, कुमार चम्लागाई, देउकुमार आङदेम्बे, सुनिता राई, विजुलीप्रसाद राई रहनु भएको छ । त्यसैगरी सल्लाहकारमा जंगबहादुर कुरुम्बाङ् चयन भएका छन् ।

आजकै उक्त गठन कार्यक्रममा लिम्बुवान भोलेन्टियर्सको सिनियर कमाण्डरमा जितेन राई र प्राइमरी कमाण्डरमा तेज बहादुर राई निर्वाचित भएका छन् ।

कार्यक्रममा मञ्चका उपमहासचिव दिलकुमार लावती, केन्द्रीय सदस्यहरु साजन मोते, सुर्य योक्पाङ्देन, इलाम जिल्ला अध्यक्ष दिपक योङ्हाङ्, लिम्बुवान भोलेन्टियर्स केन्द्रीय उपकमाण्डर बसन्तराज योङहाङ, झापा जिल्ला सदस्य नरेन्द्र लावती लगायतको उपस्थिति रहेको थियो । कार्यक्रम कमल गाउँपालिकाका अध्यक्ष अमर मावोको अध्यक्षतमा भएको थियो ।