साउदीअरब । संघीय लिम्बुवान सामाजिक मञ्च साउदी अरबले गैर आवासीय नेपाली संघ, राष्ट्रिय परिषद (एनआरएनए) साउदीको आठौं महाधिवेशन प्रति गम्भीर ध्यानाकर्षण गरेको छ ।
एनआरएनए साउदीको आठौं महाधिवेशन प्रति हाम्रो गम्भीर ध्यानाकर्षण गर्दै लिम्बुवान सामाजिक मञ्च साउदीले विज्ञप्ति जारी गरेको हो । सामाजिक मञ्च संघीय लोकतान्त्रिक राष्ट्रिय मञ्चको प्रवास समिति हो ।
साउदीमा रहेका विभिन्न वैचारिक, राजनीतिक, सामाजिक र भातृ संघसंस्था लगायत साउदीमा रहेका गैर आवासीय नेपाली नागरिकहरुको चेतावनी सहितको असन्तुष्टी पोख्दा पनि एनआरएनएले महाधिवेशन गर्न लागेकाले ध्यानाकर्षण गरेका हुन् । मंचले अधिवेशन हुँदै गर्दा कुनै लज्जास्पद व्यवहार नहोस् र अप्रिय घट्ना नघटोस भन्ने अपेक्षा सहित सरोकारवाला सम्बन्धित सबै पक्षमा सबैका असन्तुष्टि र गुनासाहरुलाई सम्बोधन गरेर लोकतान्त्रिक मुल्यमान्यता अनुसार अधिवेशन गर्न मञ्चले विज्ञप्ति मार्फत सचेत गरेको छ ।
गैर आवासीय नेपाली संघ, मुगलानमा रहेका वैचारिक , सामाजिक र मातृ संघ संस्था लगायत निरपेक्ष रहेका हरेक नेपाली नागरिकहरुको एक निरपेक्ष छाता संस्था हो भन्ने हाम्रो बुझाइ र मान्यता रहेको छ । यस साझा संस्थाको अभिन्न क्षेत्र हाम्रा साना त्रुटि र अहम्ताहरुले अन्तर्राष्ट्रिय स्तरमा हाम्रो गोर्खाली विरविरंगनाहरुको भद्दा मजाक हुनेगरि र साख गिर्नेगरि हुँदै आएको लज्जास्पद व्यवहारहरु यस साउदि अरबमा नहोस भन्ने लाख प्राथना सहित सम्बन्धित सबै पक्षमा ध्यानकर्षण गराउद छौं । –मंचको विज्ञप्तिमा उल्लेख छ ।
मञ्चका कार्यबाहक अध्यक्ष बसन्त चेन्जी माबोद्वारा हस्ताक्षरित विज्ञप्तिमा हाम्रा अनुरोध र सुझावहरुलाइ नजर–अन्दाज गरेर अप्रत्याशित कदम चालेर प्रतिसोध दाज्न खोजे त्यसबाट निम्तने सबै प्रकारका घट्नाहरुको जिम्मेवार सम्बन्धित समिति र आयोजक हुनु पर्ने स्पष्ट गरेकोछ ।
विज्ञप्तीः
Related