पाँचथर। दुवै मृगौला फेल भई उपचार गराईरहेकी पाँचथर फालेलुङ ५ की शान्तिमाया ग्याङ्मी मगरलाई आर्थिक सहयोग प्रदान गरिएको छ । रोजगारीको शिलशिलामा दक्षिण कोरियामा रहेका नेपालीहरुले उपचारमा सहयोग पुगोस् भनी १ लाख रुपैयाँ रकम सहयोग गरेका हुन् ।
फिदिममा एक कार्यक्रम गरी पिढीत मगरका छोरा दिपेश मगरलाई नेपालका लागि संयोजक कविता चोङबाङले रकम हस्तान्तरण गरेकी छिन् । पिढीत महिलाको झापाको विर्तामोडस्थित विर्तासिटी हस्पिटलमा उपचार भईरहेको छ । विरामीको डाइलोसिस गर्ने अहिले प्रत्येक दिन ५ हजार रुपैयाँ लाग्ने छोरा दिपेशले बताए ।
उक्त रकम पाँचथर याङवरक ३ का मनिकुमार सेलिङको संयोजकत्वमा हाल दक्षिण कोरियामा कार्यरत मनकारीहरुबाट आर्थिक सहयोग रकम उठाईएको नेपालकी संयोजक चोङवाङले वताइन् ।
कोरियाबाट आर्थिक सहयोग गर्नुहुने मनकारीहरु संयोजक लिम्बु सहित सन लिम्बु, सन्तोष सेर्मा, देवेन लिम्बु, दिनेश लिम्बु, खेमराज लिम्बु, राज नेम्बाङ, मनकुमार मोक्तान, अनिल थाम्सुहाङ, तिलक लावती, जनिल लिम्बु, आत्मा पुरुष र सन्जय क्षेत्री रहेका छन् ।
Related