काठमाडौं, २४ असार । नेपालमा पहिलो पटक टी–२० विश्वकप क्रिकेटको ट्रफी ल्याइने भएको छ । आगाी अक्टोबर १६ बाट अष्ट्रेलियामा सुरु हुने टी–२० विश्वकपको ट्रफी टुरको क्रममा काठमाडौं ल्याइने भएको हो ।
अन्तर्राष्ट्रिय क्रिकेट काउन्सिल(आइसीसी)का अनुसार ट्रफी टुर आज (शुक्रबार)बाट सुरु भएको छ । विश्वकप सुरु हुनुभन्दा १०० दिन अघिबाट ट्रफीलाई विश्वको विभिन्न शहरहरुमा पु¥याउने यात्रा सुरु भएको हो ।
ट्रफी ३० अगस्टमा काठमाडौं ल्याइने आइसीसीले जनाएको छ । ट्रफी नेपालको कुन–कुन ठाउँमा पु¥याइने भन्ने बार अहिले खुलाइएको छैन । ट्रफी टुर विभिन्न १३ देशका ३५ शहरमा गरिने आइसीसीले जनाएको छ ।
नेपालसहित, फिजी, फिनल्यान्ड, जर्मनी, घाना, इन्डोनेसिया, जापान, नामिबिया, सिंगापुर र भानुआतुमा भने पहिलो पटक टी–२० विश्वकपको ट्रफी पुग्न लागेको हो ।
यस अघि २०१९ मा भएको एकदिवसीय विश्वकप क्रिकेटको ट्रफी नेपाल ल्याइएको थियो ।
Related