लिम्बुवानखबर प्रवास । जापानका पूर्व प्रधानमन्त्री सिन्जो आबेको निधन भएको छ । जापानी संचार माध्यमका अनुसार गोली प्रहारबाट गम्भीर घाइते भई आकस्मिक उपचार भईरहेको आबेको निधन भएको हो ।
जापानको नारा सहरमा चुनावी सभालाई सम्बोधन गरिरहेका उनीमाथि शुक्रबार बिहान गोली प्रहार भएको थियो । उनलाई छातीमा गोली लागेको थियो । जापानी मिडिया एनएचकेले दिएको जानकारी अनुसार अस्पताल पु¥याउँदासम्म बोलिरहेको उनी त्यसपछि गम्भीर हुँदै गएका थिए ।
६७ बर्ष पुगेका पूर्व प्रधानमन्त्री आवे सन् २००६ देखि २००७ र सन् २०१२ देखि २०२० सम्म गरी दुई पटक प्रधानमन्त्री बनेका थिए ।
आबेले सन् २०२० मा प्रधानमन्त्री पद छाडेका थिए । यद्यपि सत्ताधारी लिबरल डेमोक्रेटिक पार्टीमा उनी अझै पनि प्रभावशाली नेताको रुपमा रहेका थिए । उनीमाथि गोली हान्ने ४२ बर्षीय तेत्सुया यामागामीलाई प्रहरीले नियन्त्रणमा लिएर अनुसन्धान थालेको संचार माध्यमले जनाएको छ ।
Related