काठमाडौ, ३२ असार । लिम्बू भाषाको पालाम ‘साम्योक्लुङ्’ को शुक्रबार काठमाडौमा छायांकन सकिएको छ । पालामलाई युवा निर्देशक तथा गीतकार सागर केरुङ्ले निर्देशन गरेका हुन ।
काठमाडौको विभिन्न स्थलहरुमा छायांकन गरिएको पालाममा निर्देशक केरुङ्कै शब्द रहेको छ । शिवकुमार सम्बाहाम्फेको लय संकलन, कृष्ण थलङको छायांकन, सुनिता किरातीको शृङ्गार, श्याम लिम्बुको एरेन्ज रहेको छ ।
पालामलाई थोक्फेला लिङ्देन, शिवकुमार सम्बाहाम्फे, शृजना जबेगु र बिवस नेम्बाङले स्वर दिएका छन् ।
थोक्फेला लिङदेन युटुब च्यानलद्वारा सार्वजनिक हुने भिडियोमा आशिष लिङ्देन, मनमाया लिम्बु, थोक्फेला लिङ्देन, बिवस नेम्बाङ, नितु नाल्बो, जेपी नेम्बाङ, लोकमाया पालुङ्वा, तानाम्तान्छो लावती, आशा लावती, अनिश सेलिङ लिम्बू, नेहा लिम्बु र शिव सम्बाहाम्फे लगायतले अभिनय गरेका छन् ।
Related