‘जारी’ले १०० दिन मनाउँदै

 लिम्बुवान न्युज
                       

 

काठमाडाैं, ३ साउन ।  केही दशक अघि नेपाली चलचित्रका लागि प्रदर्शनको एकाउन्नौं र सय दिन सामान्य मानिन्थ्यो । न्यून संख्यामा फिल्म बन्ने हुँदा प्रायः फिल्म हलमा लामो समयसम्म टिक्थे । तर, डिजिटल युगको प्रारम्भसँगै नेपाली फिल्मको आयू एक हप्तामा आइपुगेको छ । यद्यपि, वर्षमा एकाध फिल्मले प्रदर्शनको ५१औं दिन मनाउने गरेका छन् । प्रदर्शनको सय दिन त विस्तारै एकादेशको कथाझैं हुन थालेको छ ।

यसबीच लिम्बु कथामा बनेकाे चलचित्र ‘जारी’ले हलमा प्रदर्शनको सय दिन मनाउने भएको छ । यसअघि २०७५ सालमा दुईवटा हलमा चलचित्र ‘शत्रु गते’ले प्रदर्शनको सय दिन मनाएको थियो । गत बैशाख १ गते प्रदर्शनमा आएको ‘जारी’ले ब्लकबस्टर व्यापार गर्दै सय दिनको यात्रा तय गर्न लागेको हो ।

काठमाडाैं स्थित नेपालको सबैभन्दा ठूलो मल्टीप्लेक्स चेन क्यूएफएक्समा ‘जारी’ले सय दिन मनाउने निश्चित भएकाे छ ।

मंगलबार ९६औं दिनमा प्रदर्शनरत फिल्मलाई क्यूएफएक्स चेनले यतिबेला प्रत्येक दिन १ शो दिइरहेको छ । साउन ६ गते फिल्मले प्रदर्शनको सय दिन मनाउनेछ । ठूला विदेशी र स्वदेशी फिल्मका बावजूद ‘जारी’ले सय दिन मनाउन लाग्नु आफैंमा ठूलो उपलब्धि हो । चलचित्रका वितरक मनोज राठीले ८०/९० दिनसम्म पोखरा, चितवन, विर्तामोडका हलहरुले पनि चलचित्र प्रदर्शन गरेको बताएका छन् ।

विदेशी भूमिमा समेत आक्रामक कमाई गरेको फिल्मले सोमबार दार्जिलिङमा प्रदर्शनको ५१औं दिन मनाएको जानकारी प्राप्त छ । पहिलो पटक भारतमा नेपाली फिल्मले यो इतिहास रचेको हो । उपेन्द्र सुब्बाको निर्देशन तथा राम बाबु गुरूङले निर्माण गरेकाे जारी चलचित्रमा दयाहाङ राई, मिरुना मगर, विजय बराल, प्रेम सुब्बालगायतको अभिनय छ । फिल्मले घरेलू बजारमा साढे १४ करोड भन्दा बढीकाे व्यापार गरेकाे छ ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...