ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् ।
संघीय लोकतान्त्रिक राष्ट्रिय मञ्च र मञ्चको प्रवास संगठनमा रहेका नेताहरुले पार्टी परित्यागको घोषणा गर्दै पहिचानवादी स्वतन्त्र संगठन गठन रहेका हुन् ।
यूकेमा लामोसमयदेखि बस्दै आउनुभएका देवीबहादुर तुम्बाहाम्फेको अध्यक्षतमा परिषद गठन भएको पहिचानवादी नेता चुणमणि तुम्बाहाम्फे बताए ।
जुलाई ६ तारिक घोषणा गरिएको समितिको उपाध्यक्षहरुमा रुपमान कुरुम्बाङ, यदुचन्द्र लावती, कुलदीप राई, कृष्णप्रसाद लिङ्देन, जगत सुहाङ, तेजप्रकाश लावती, खड्गजङ आङ्बुहाङ, रुद्र प्रसाद श्रेष्ठ, राम कुमार पोमु, चन्द्रकला आवाजुङ र हर्कजङ कुरुम्बाङ रहेका छन् । त्यसैगरी महासचिवमा लाल बहादुर लिङ्देन, उपमहासचिवमा दिपक तुम्बापो चयन भएका छन् भने सचिवहरुमा तिलविक्रम तावा, पदम बहादुर तुम्बाहाम्फे, शेर बहादुर इङ्नाम, दल योङ्या, किशोर तिलिङ् चोङवाङ र धन बहादुर मावो चयन भएका छन् ।
समितिको कोषाध्यक्षमा थानकुमान नाल्बो र सहकोषाध्यक्षमा दुर्गा खापुङ् रहेका छन् भने सचिवालय सदस्यहरुमा चुडामणी तुम्बाहाम्फे, टंक खापुङ्, नरबहादुर कुरुम्बाङ्, राम इजम, चन्द्र बहादुर लिङ्देन र कृष्ण कुमार कुरुम्बाङ् चयन भएका छन् ।
सदस्यमा थप मनोनित गर्दै ४५ सदस्यीय समिति गठन हुने राम इजमले लिम्बुवानखबरलाई बताएका छन् । पहिचानको पक्षमा साथ दिने सबै यूकेबासीलाई समेत यो संगठनमा जोड्दै लाने उनले बताए ।
उक्त कार्यक्रममा किरात याक्थुङ चुम्लुङका संघीय सदस्य तिलविक्रम सम्बाहाम्फे, किरायू यूके अध्यक्ष कृष्णकुमार हेम्ब्या र हेमराज नाल्बो लगायत सामाजिक संघ संस्थाका प्रतिनिधि तथा बुद्धिजिवीहरुको उपस्थिति रहेको थियो ।