आइसीसीबाट आउने १२ महिनाको तलव खेलाडी पाउनेभए

,   लिम्बुवान खबर
                       

काठमाडाैं/नेपाली राष्ट्रिय क्रिकेट टिमका खेलाडीलाई एक बर्ष अर्थात सन् २०१९ को तलवका लागि आइसीसीले सबै प्रक्रिया पुरा गरेर पठाइसकेको छ । आइसीसीले अगष्ट २८ तारिखमा खेलाडीको तलवको फन्ड रिलिज गर्ने र त्यसका लागि आवश्यक कागजहरु पठाउन भनेपछि क्यानले दुई दिन अगाडी सबै काम सम्पन्न गरेको छ ।

अब यो साताको अन्तिम वा ढिलोमा अर्को साताको मंगलबारसम्म खेलाडीले १२ महिनाको तलव पाउनेछन । नेपाल क्रिकेट संघ अस्तित्वमा आएपछि आइसीसीले क्यानको मार्फत नै २०१९ को तलव पठाउने भएको छ । जसमा यसपटक १२ महिनाको तलव खेलाडीले पाउने छन ।

क्यानले २०१९ को अन्तिममा आइसीसीलाई सबै ग्रेडमा खेलाडीको तलव १० हजार बढाउन आग्रह गरेको थियो । जुन आइसीसीले सहजै स्विकार गरेको थियो । अब खेलाडीले यसअघि पाउँदै आएको तलवमा १० हजार बढि पाउनेछन ।

यसको अर्थ ए श्रेणीमा रहेका खेलाडीले ३५ हजारको सट्टा ४५ हजार पाउनेछन भने बी श्रेणीको खेलाडीले २५ को सट्टा ३५ हजार पाउनेछन । यस्तै सी ग्रेडको खेलाडीले १५ हजारको सट्टा २५ हजार पाउनेछ ।

अब पाउने तलवमा खेलाडीले एक लाख २० हजार रुपैयाँ बढेको तलवमात्र पाउनेछन ।

कुन खेलाडीले कति तलव पाउनेछन ?

२०१९ मा बर्गिकरण गरिएको श्रेणी अनुसार ए मा सात जना खेलाडी थिए । ए श्रेणीमा रहेका खेलाडीले आइसीसीबाट आउने एक बर्षको तलवबाट जनही पाँच लाख ४० हजार रुपैयाँ पाउनेछन ।

त्यो रकम पाउने खेलाडीमा पारस खड्का, ज्ञानेन्द्र मल्ल, शरद भेषवाकर, बसन्त रेग्मी, सोमपाल कामी, सन्दीप लामिछाने, दिपेन्द्रसिंह ऐरी छन ।
यस्तै बी श्रेणीमा रहेका खेलाडीले जनही ४ लाख २० हजार पाउनेछ ।

यो रकम पाउने खेलाडीमा ललित भण्डारी, रोहित पौडेल, करण केसी, ललित राजवंशी, आरिफ शेख, अनिलकुमार शाह छन ।

सी ग्रेडमा रहेका खेलाडीले बढेको तलव अनुसार १२ महिनाको तीन लाख रुपैयाँ पाउनेछन ।

त्यो रकम पाउने खेलाडीमा सागर पुन, सुवास खकुरेल, दिलिप नाथ, सुनील धमला, प्रदिप ऐरी, विनोद भण्डारी सुशन भारी छन ।

लामो समयको पर्खाईपछि खेलाडीले १२ महिनाको तलव पाउने निश्चित भएको छ । तर बाँकी नौ महिनाको तलव क्यानले नयाँ सम्झौता र नयाँ बर्गिकरण गरेर दिने बताएको छ । तर त्यो बर्गिकरणको मोडल तोकेको समितीले क्यानलाई बुझाइसकेको छ ।

तर क्यानको बोर्ड बैठक बस्न नपाएकाले फाइनल हुन सकेको छैन । आगामी बोर्ड बैठकले खेलाडीको नयाँ बर्गिकरण फाइनल गर्ने भएको छ । (साभार)

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;