लिम्बुवानखबर। संघीय लोकतान्त्रिक राष्ट्रिय मञ्चका संघीय अध्यक्ष कुमार लिङ्देन मिराकले संसारमा पहिचान र अस्तित्वको लागि संघर्ष भइृरहेको बताएका छन् ।

संघीय लिम्बुवान सामाजिक मञ्च प्रवास कार्य समिति दक्षिण कोरियाले आयोजना गरेको पहिचानको जगमा नेपालको स्थायित्व र विकास शिर्षकमा भएको भर्चुअल कार्यक्रममा सो कुरा बताएका हुन् ।

कांग्रेसी नेताहरु आफू आफू बिच भईरहेको झगडा अस्तित्वकै लडाई हो, त्यसैगरी केपी ओली र माधव नेपाल बिचको लडाई पनि अस्तित्व कै लडाई हो भन्दै अध्यक्ष लिङदेनले अहिले जसपा पार्टीमा भएको लडाई पनि अस्तित्वकै लडाई भएको बताए । पुँजीवाद र साम्यवाद बाहेक कुनै बाद हुँदैन भन्ने स्कुलिङ्ले पहिचान र अस्तित्वलाई ओझेलमा पारेको अध्यक्ष लिङ्देनले कार्यक्रममा बताएका छन् । अध्यक्ष लिङदेनले भर्चुअल कार्यक्रममा पहिचान र अस्तित्व नै मुख्य दर्शन भएको जिकीर गरेका छन् ।

भर्चुअल कार्यक्रममा बोल्दै अध्यक्ष लिङदेनले प्रष्ट पारे संघीयता भनेको टुक्रिनु भन्दा अगाडि टुक्राउनु हो । यसमा जोड्दै भने भोलिको दिनमा लिम्बुवान टुक्रेर जानु भन्‘दा अघि लिम्बुवान प्रान्त दिनु भनेको हो । संघीयता भनेको पछि आउने द्वन्द्वलाई त्यस अघि नै समाधान गर्नु हो । यसरी नै उनले भने –‘सह–अस्तित्ववाद भनेको मान्छेलाई एकले अर्कालाई सम्मान गर्नु हो ।’ अध्यक्ष लिङदेले भने– ‘मान्छेले मान्छेलाई माया गर्नु सम्मान गर्नु नै सह–अस्तित्ववाद हो । सह–अस्तित्ववादले मात्र शान्ति हुन्छ र देश समृद्ध बन्छ ।’

सामाजिक मञ्च दक्षिण कोरियाका अध्यक्ष रमेश लावतीको अध्यक्षतामा भएको भर्चुअल कार्यक्रमको संचालन मञ्चका महासचिव खडग सेर्माले गरेका थिए । कार्यक्रममा मञ्चका उपाध्यक्ष चन्द्र खापुङ्, संघीय अर्थ संचिव विष्णु यक्सो त्यसैगरी सामाजिक मञ्च कतार, साउदी, मलेसिया, बहराइन त्यसैगरी खसान र दलित प्रान्तका नेताहरु समेत सहभागी थिए ।