काठमाडौं। राष्ट्रिय प्रजातन्त्र पार्टी (राप्रपा) संगठन सुदृढीकरण गर्दै पार्टी महाधिवेशन तर्फ केन्द्रीत भएको छ ।

मंगलबार पार्टीको स्थानीय तह निर्वाचन परिचालन समितिको आयोजनामा आयोजित भर्चुअल बैठकलाई सम्बोधन गर्दै अध्यक्ष कमल थापाले सो कुरा वताउँदै स्थानीय निकाय निर्वाचनको तयारीलाई तिव्रता दिन समेत निर्देशन दिएका छन् ।

महाधिवेशन अघि पार्टीको स्थानीय तहको अधिवेशनलाई उच्च प्राथमिकता दिई अघि बढ्नुपर्ने आवश्यकता औल्याउँदै थापाले महाधिवेशन पश्चात् भ्रष्टाचार, सर्वसत्ताबाद, धर्मपरिवर्तन, बेरोजगारका बिषयमा शसक्त आवाज उठाउँदै पार्टी आन्दोलित हुने बताए ।

राप्रपालाई अग्रणी राष्ट्रबादी प्रजातान्त्रिक शक्ति बनाउनको निमित्त सबैले शसक्त भुमिका निर्वाह गर्नुपर्नेमा पनि थापाको जोड थियो । महाधिवेशन, स्थानिय निकाय निर्वाचन र संसदीय निर्वाचन दृष्टिगत गर्दै कार्ययोजना अनुरुप कार्यतालिका बनाएर प्रभावकारी रुपमा परिचालित हुन अध्यक्ष थापाले आग्रह गरेका छन् । थापाको संयोजकत्वमा महाधिवेशन परिचालन समिति गठन भएको छ ।