तामाङसालिङ मञ्चद्वारा हिरासतमा हत्या भएका तामाङको हत्यारालाई कार्वाही गर्न माग

,   लिम्बुवान न्युज
                       

काठमाडौं। इलाका प्रहरी कार्यालय बाह्रबिसेमा प्रहरी हिरासतमै खडग बहादुर तामाङको हत्या भएको भन्दै दोषीलाई कारवाहीको माग गर्दै संघीय तामाङसालिङ मञ्चले शनिबार विज्ञप्ति जारी गरेको छ ।

सिन्धुपाल्चोक थागाम निवासी २५ बर्षीय तामाङलाई चोरीको आरोपमा पक्राउ गरी प्रहरी हिरासत मै मृत्यु भएपछि मञ्चले आपत्ती जनाउँदै विज्ञप्ति जारी गरेको हो ।

विज्ञप्तिमा निज तामाङको अचानक मृत्यु भएको भन्दै सत्यतथ्य छानविन गरि दोषीलाई कडाभन्दा कडा सजाय दिनु पर्ने उल्लेख गरिएको छ । मृतकसँगै हिरासतमा रहेका अन्य व्यक्तिहरुका अनुसार अन्दाजी राती १ बजे प्रहरीले तामाङलाई हिरासत बाहिर लगेर दुई घण्टापछि पुनः हिरासतमा ल्याइएको बताएका छन् ।

मृतकलाई बढी यातना दिईएको हुँदा स्वाश फेर्न समेत नसक्ने अवस्थामा हिरासतमा ल्याई उपचारको लागि लैजादै गर्दा बाटैमा मृत्युभएको थियो । उनलाई शारीरिक यातना दिई शरीर भरी निलडाम समेत रहेको हुँदा प्रहरी प्रशासनबाट बढी यातना भएको भन्दै मञ्चले प्रहरीको भत्र्सना तथा निन्दा गरेको छ ।

प्रशासनले तामाङ समुदायमाथि हिजो देखि नै दमन गरिएको भन्दै सम्पूर्ण तामाङहरु गम्भीर हुन समेत मञ्चले आग्रह गरेको छ । मञ्चले उक्त प्रहरी कार्यालयका इन्चार्जलाई तत्काल कारवाही गर्न समेत माग गरेको छ भने सो कार्यालयमा यातना दिने सम्पूर्ण प्रहरी प्रशासनलाई तुरुन्त पक्राउ गरी कानूनी कारवाही गर्न समेत सरकारसँग माग गरेको छ ।

मञ्चका अध्यक्ष मिङमार लामाद्वारा हस्ताक्षरित विज्ञप्तिमा राज्यको दमन प्रति सम्पूर्ण आदिवासी जनजाति, दलित, खस, थारु समुदायहरु गोलबद्ध हुन समेत आव्हान गरेका छन् ।

विज्ञप्ती हेर्नुहाेस्ः

 

सम्बन्धित समाचार

मिक्लाजुङमा निःशुल्क आँखा शिविर सम्पन्न : ३५ सयको परीक्षण, २७५ जनाले पाए नयाँ दृष्टि

मिक्लाजुङ, माेरङ् । मोरङको उत्तरी क्षेत्र मिक्लाजुङमा आयोजित चारदिने निःशुल्क मोतियाबिन्दु शल्यक्रिया तथा आँखा परीक्षण शिविर सम्पन्न भएको छ । शिविरमार्फत ३ हजार ५०० जना सर्वसाधारणको आँखा परीक्षण गरिनुका साथै २७५ जना मोतियाबिन्दुका बिरामीको सफल...

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

;