काठमाडौं । नेपाली कांग्रेसका २२ जना आमन्त्रित केन्द्रीय सदस्यहरुले पदबाट सामूहिक रुपमा राजीनामाको घोषणा गरेसँगै भुइचालाे गएकाे छ। शुक्रबार केन्द्रीय समिति बैठकमा उपस्थित आमन्त्रित केन्द्रीय सदस्यहरुले सामूहिक रुपमा राजीनामाको घोषणा गरेका हुन् ।

पार्टीका पदाधिकारी र केन्द्रीय सदस्य स्वतः महाधिवेशनमा आउने प्रावधान रहेको तर आमन्त्रित केन्द्रीय सदस्यको हकमा त्यो लागू नभएको भन्दै उनीहरुले असन्तुष्टि जनाउँदै राजिनामा दिएको बैठकमा सहभागी एक केन्द्रीय सदस्यले जनाएका छन् ।

कांग्रेसको विधानमा आमन्त्रित केन्द्रीय सदस्यलाई क्षेत्रीय प्रतिनिधि सरहको अधिकार समेत नदिएको भन्दै उनीहरुले सामूहिक राजीनामा गरेका हुन् । पार्टीको क्षेत्रीय प्रतिनिधि सरह पनि आमन्त्रित केन्द्रीय सदस्यहरुलाई नभएको विधानमा समेत आमन्त्रित केन्द्रीय सदस्यलाई विभेद गरिएकाले हामीले राजीनामा दिएको एक आमन्त्रिक केन्द्रीय सदस्यले बताए ।

कांग्रेस केन्द्रीय समिति बैठक बिहीबारदेखि सभापति शेरबहादुर देउवा निवास बूढानीलकण्ठमा जारी रहेको छ । सो बैठकबाटै सामूहिक रुपमा राजीनामा दिएका २२ जना आमन्त्रित केन्द्रीय सदस्यहरुमा नन्दनकुमार दत्त (सुनसरी), कुमार खड्का (कास्की), बालकृष्ण पाण्डेय (नेजस भारत), आनन्द (गोरख) विष्ट (नेजस अमेरिका), नरेन्द्रकुमार चौधरी (सुनसरी), हसन अन्सारी (मोरङ), किरणराज शर्मा पौडेल (बाग्लुङ), रमा कोइराला पौडेल (सुनसरी), कृष्णकिशोर घिमिरे (दाङ), गोपालकुमार बस्नेत (झापा), सुधीरकुमार शिवाकोटी (झापा), मनोहरनारायण श्रेष्ठ (धनकुटा), ध्रुव वाग्ले (तनहुँ), मोहनसिंह राठौर (कैलाली), शम्भुलाल श्रेष्ठ (सर्लाही), अभिषेक प्रताप शाह (कपिलवस्तु), दयाराम पाण्डे (लम्जुङ), जनकराज कलौनी (डडेल्धुरा), भूमिबहादुर (विश्व) गुरुङ (स्याङ्जा), दिलीप राई (झापा), आशाराम चौधरी र.राजेन्द्रबहादुर सिंह रहेका छन् ।