लिम्बुवानखबर, ३०साउन । नेकपा माओवादी केन्द्रको आगामी पुस ११ देखि १३ गतेसम्म राष्ट्रिय सम्मेलन हुने भएको छ । स्थानीय र प्रदेश स्तरका अधिवेशनहरू सकेपछि पुस ११ देखि १३ गतेसम्ममा पार्टीको राष्ट्रिय सम्मेलन गर्न अध्यक्ष प्रचण्डको प्रस्ताव रहेको छ ।
शनिबारदेखि काठमाडौँको बत्तीसपुतलीमा सुरु भएको केन्द्रीय कमिटीको बैठकमा अध्यक्ष प्रचण्डले राजनीतिक एवं सांगठानिक प्रतिवेदन पेस गर्दै आगामी पुस ११ देखि १३ गतेसम्म राष्ट्रिय सम्मेलन गर्ने प्रस्ताव सहित प्रतिवेदन पेस गरेका हुन् ।
प्रचण्डको प्रस्ताव अनुसार यही भदौ मसान्तभित्र माओवादी केन्द्रले देशैभरि पार्टी सदस्यता वितरण एवं नवीकरणको काम सम्पन्न गर्ने उल्लेख गरेको छ । त्यस्तै असोजमा टोलदेखि वडा हुँदै पालिका सम्मेलनहरु गरिसक्ने र कात्र्तिकमा जिल्ला अधिवेशन गर्ने भनिएको छ । देशैभरका वडाहरूमा एकै दिन सम्मेलन सम्पन्न गर्ने प्रचण्डको प्रस्ताव रहेको छ । त्यस्तै ७७ जिल्लाको सम्मेलन पनि एकै दिन गर्ने भनिएको छ ।
मङ्सिर १५ मा सातै प्रदेशको अधिवेशन सम्पन्न गरेपछि माओ दिवसको दिन पारेर पुस ११ गते राष्ट्रिय सम्मेलन गर्ने प्रचण्डले प्रस्ताव गरेका हुन् ।
प्रचण्डको प्रस्ताव अनुसार सम्मेलनको कार्यसूची यस्तो छः–
- भदौ मसान्तसम्म सदस्यता नवीकरण र नयाँ सदस्यता वितरण गरिसक्ने ।
- असोज १० गते देशैभर एकै दिन सेल र टोल भेला गर्ने ।
- असोज २० गते वडा सम्मेलन गर्ने ।
- असोज ३० गते गाउँ र नगर÷उप÷ महानगरपालिको सम्मेलन गर्ने ।
- कात्तिक ३० गते जिल्ला सम्मेलन गर्ने ।
- मङ्सिर १५ गते प्रदेश सम्मेलन गर्ने ।
- अन्तिममा पुस ११ देखि १३ सम्म राष्ट्रिय सम्मेलन गर्ने ।
Related