दमक, ३० साउन । दमक नगरपालिकाले नेपाली कांग्रेससहितका दलहरुले उठाएका मागहरुको सम्बोधन गर्ने प्रतिवद्धता जनाएको छ । शुक्रवार नगरपालिकाले कांग्रेससहितका पाँच दलीय गठबन्धनका स्थानीय नेतृत्वसंग अन्तरकृया गरि दलहरुले उठाएका मागको बारेमा सम्बोधन गर्न लिखित प्रतिवद्धता जनाएका हुन् ।
कांग्रेससहित नेकपा माओवादी केन्द्र, जनता समाजवादी पार्टी, संघीय लिम्बूवान मञ्च,नेपाल, नेकपा माले लगायतका दलहरुले नगरपालिका भित्रका शिक्षा, स्वास्थ्य, विकास निर्माण लगायतका मुख्य सरोकारका विषयमा १० वुँदे ज्ञापनपत्र बुझाएको थियो ।
ज्ञापनपत्रमा कोभिड रोकथाम, स्वास्थ्य बिमामा मार्फत नागरिकलाई उपचारमा सहजता, विद्यालय व्यवस्थापन गठन प्रकृया, विकास निर्माणको अनुगमनमा दलीय प्रतिनिधित्व कायम गर्ने लगायतका विषयलाई मुद्दाको रुपमा उठाएको थियो ।
दमक अस्पतालमा उपचारका लागि आउने नागरिकको भीडका कारण कोभिड लगायतका अन्य संक्रमणको जोखिम निम्त्याएको भन्दै आलोचना जनस्तरबाट जुनासो हँुदैआएको हुँदा विरामीलाई सहज स्थानबाट सुविधा पाउने पर्ने गठबन्धनले माग राखेको छ ।
यसैगरि लामोसमयदेखि काम चलाउ रहेको विद्यालय व्यवस्थापन समिति गठन प्रकृया अभिभावकहरुको प्रतिनिधित्व हुने गरि विद्यालय व्यवस्थापन समिति गठन गर्नु पर्ने गठबन्धनको मागलाई पनि सम्बोधन गर्ने प्रतिबद्धता नगरे गरेको बताइएको छ । नगरपालिकामा प्रतिनिधित्व नभएका कांग्रेससहितका ती दलहरुले जनप्रतिनिधिको नेतृत्वमा काम चलाउ रहेको विद्यालय व्यवस्थापन समिति विरुद्ध लामोसमयदेखि आन्दोलित हुँदैआएको थियो । विद्यालय खुल्न त्यस्तो विद्यालय व्यवस्थापन समिति गठन गर्ने सहमति भएको उल्लेख छ ।
विकास निर्माणको अनुगमनमा दलीय प्रतिनिधित्वलाई समावेश गर्न माग गरेकोमा नगरपालिका सकारात्मक देखिएको दलीय गठबन्धनका एक नेताले बताएका छन् ।
Related